മുതിർന്ന പൗരന്മാർക്കുള്ള യാത്ര ഇളവുകള്‍ അവസാനിപ്പിച്ചതിലൂടെ നാലുവർഷത്തിനിടെ, റെയില്‍വേ നേടിയത് 5800 കോടി രൂപയാണ്.ഇതിന് പിന്നാലെയാണ് യാത്രക്കാരെ ദുരിതത്തിലാക്കി ട്രെയിനുകളില്‍ അണ്‍ റിസര്‍വ്ഡ് ഡീ റിസര്‍വ്ഡ് കോച്ചുകളുടെ എണ്ണം റെയില്‍വേ വെട്ടിച്ചുരുക്കിയത്.
സേലത്തിനും ധർമ്മപുരിക്കും ഇടയിലാണ് കവർച്ച നടന്നതെന്നാണ് കരുതുന്നത്. വിലപിടിച്ച വസ്തുക്കള്‍ കവർന്നശേഷം യാത്രക്കാരുടെ ബാഗുകള്‍ ടോയ്‌ലറ്റില്‍ ഉപേക്ഷിക്കുകയായിരുന്നു. ടാേയ്‌ലറ്റില്‍ പോയ ചില യാത്രക്കാർ വേസ്റ്റ് ബിന്നില്‍ ബാഗുകള്‍ ഉപേക്ഷിക്കപ്പെട്ട നിലയില്‍ കണ്ടതിനെത്തുടർന്ന് പരിശോധിച്ചപ്പോഴാണ് മോഷണവിവരം അറിയുന്നത്.യാത്രക്കാർ നല്ല ഉറക്കിത്തിലായിരുന്ന സമയത്താണ് കവർച്ച നടന്നത്. അതിനാല്‍ ആരുംതന്നെ മോഷ്ടാക്കളെ കണ്ടിട്ടില്ലെന്നാണ് റിപ്പോർട്ട്.ഈ നിമിഷം വരെയും സംഭവത്തിൽ ആരെയും അറസ്റ്റ് ചെയ്തിട്ടില്ല.ഏപ്രിൽ 9 ന് പുലർച്ചെയായിരുന്നു സംഭവം.
ഡ്യൂട്ടിയിൽ ഉണ്ടായിരുന്ന ടിടിഇയെ ട്രെയിനിൽ നിന്നും തള്ളിയിട്ടു കൊന്നതും അടുത്തിടെയായിരുന്നു.ടിടിഇ കെ വിനോദ് ആണ് കൊല്ലപ്പെട്ടത്.ടിക്കറ്റ് ചോദിച്ചതിന്റെ പകയില്‍ അതിഥി തൊഴിലാളിയായ യാത്രക്കാരന് ട്രെയിനില്‍ നിന്ന് തള്ളിയിടുകയായിരുന്നു.
കഴിഞ്ഞ ഒരു വർഷമായി റെയിൽവേയുടെ എല്ലാ വികസനത്തിന്റെയും ഒറ്റപ്പേരാണ് – വന്ദേഭാരത്.ഏറെ കൊട്ടിഘോഷിക്കപ്പെട്ട വന്ദേ ഭാരത് ട്രെയിനിലെ ബ്രേക്ക്ഫാസ്റ്റില്‍ നിന്നും കിട്ടിയ പാറ്റയുടെ ചിത്രവുമായി നടന്‍ മുരളി മേനോൻ തന്നെ കഴിഞ്ഞ ദിവസം രംഗത്തു വന്നിരുന്നു. വന്ദേ ഭാരതിലെ ‘നോണ്‍ വെജ് ബ്രേക്ക്ഫാസ്റ്റ്’എന്ന കുറിപ്പോടെയാണ് മുരളി മേനോന്‍ സോഷ്യൽ മീഡിയയിൽ ചിത്രം പങ്കുവച്ചത്.
തനിക്ക് കിട്ടിയ മുട്ടക്കറിയില്‍ നിന്നുമാണ് പാറ്റയെ ലഭിച്ചതെന്ന് മുരളി മേനോന്‍ ഫെയ്‌സ്ബുക്ക് പേജില്‍ പങ്കുവെച്ച പോസ്റ്റില്‍ പറയുന്നു.ഇതിന്റെ ചിത്രവും അദ്ദേഹം പങ്ക് വച്ചിട്ടുണ്ട്.കഴിഞ്ഞ ദിവസം പുലര്‍ച്ചെ തിരുവനന്തപുരത്ത് നിന്നും കാസര്‍കോട്ടേക്ക് പുറപ്പെട്ട ട്രെയിനിലെ ഭക്ഷണത്തില്‍ നിന്നാണ് യാത്രക്കാരന് പാറ്റയെ ലഭിച്ചത്. എറണാകുളത്ത് നിന്നുമാണ് ഇദ്ദേഹം ട്രെയിന്‍ കയറിയത്.
‘വന്ദേഭാരതിലെ നോണ്‍ വെജ് പ്രഭാതഭക്ഷണമാണിത്. അക്ഷരാര്‍ത്ഥത്തില്‍ അത് നോണ്‍വെജ് ആയിരുന്നു’. മുട്ടക്കറിയില്‍ പാറ്റ കിടക്കുന്ന ചിത്രം അടക്കം മുരളി മേനോൻ സോഷ്യല്‍മീഡിയയില്‍ പങ്കുവെച്ച കുറിപ്പില്‍ പരിഹസിച്ചു.
ഇത് ആദ്യമായല്ല വന്ദേ ഭാരതിലെ ഭക്ഷണത്തില്‍ നിന്നും പാറ്റയെ ലഭിച്ചത്.കഴിഞ്ഞ വർഷം മധ്യപ്രദേശിലും വന്ദേഭാരത് ട്രെയിനില്‍ നിന്നും ഭക്ഷണത്തില്‍ പാറ്റയെ കണ്ടെത്തിയിരുന്നു.മധ്യപ്രദേശി
ഇതിനിടെ എറണാകുളത്തു നിന്നും ‘കൊലപാതകം ‘ റൂട്ടിൽ റയിൽവേ സ്പെഷൽ ട്രെയിൻ ഓടിക്കുകയും ചെയ്തു.കഴിഞ്ഞ ബുധനാഴ്ചയാണ് എറണാകുളം-ഹാതിയ ധർതി ആബാ എക്സ്പ്രസ് ട്രെയിനിന് പുറത്തെ സ്ഥലപ്പേര് എഴുതിയ ബോർഡില്‍ ഹാതിയ എന്നത് മലയാളത്തില്‍ എഴുതിയപ്പോള്‍ ‘കൊലപാതക’മായി മാറിയത്.
ജാർഖണ്ഡില്‍വെച്ചായിരുന്നു ബോർഡ് സ്ഥാപിച്ചത്.ഹിന്ദിയില്‍ കൊലപാതകത്തിന് ‘ഹത്യ ‘ എന്നാണ് പറയുന്നത്.ഹാതിയ എന്നത് ഗൂഗിള്‍ ട്രാൻസ്ലേറ്റ് വഴി മൊഴിമാറ്റിയപ്പോൾ കൊലപാതകമായി മാറുകയായിരുന്നു.
ആരോ ഫോട്ടെയെടുത്ത് സോഷ്യല്‍മീഡിയയില്‍ പോസ്റ്റ് ചെയ്തതോടെയാണ് ഇത് വ്യാപകമായി പ്രചരിച്ചത്. തുടർന്ന് റെയില്‍വേ ‘കൊലപാതകം’ മഞ്ഞ പെയിന്റടിച്ച്‌ മായ്ച്ചു.എന്തായാലും കഴിഞ്ഞ ബുധനാഴ്ച രാത്രി 11.25ന് ട്രെയിൻ കൊലപാതകം മായ്ച്ച്‌ ഹാതിയയിലേക്ക് പുറപ്പെട്ടതായാണ് റയിൽവേ അനൗൺസ് മെന്റിൽ കേട്ടത്.ഇതോടൊപ്പം ശുഭയാത്രയും നേർന്നതായി ഏതോ യാത്രക്കാരൻ ഒറ്റക്കാലിൽ വാതിൽപ്പടിയിൽ തൂങ്ങി നിന്ന് കേട്ടത്രെ!
