ലഖ്നോ: ക്ഷേത്രത്തിലെ വിഗ്രഹങ്ങള്‍ നശിപ്പിച്ചതിന് യുവാവിനെ പോലീസ് അറസ്റ്റ് ചെയ്തു. ഉത്തർപ്രദേശിലെ ഇഗാത്ത ഗ്രാമത്തിലാണ് സംഭവം.
സുനില്‍ (കല്ലു) എന്നയാളാണ് പിടിയിലായത്. 500 വർഷം പഴക്കമുള്ള ശിവക്ഷേത്രത്തിലെ ശിവലിംഗമുള്‍പ്പെടെയുള്ള നിരവധി വിഗ്രഹങ്ങള്‍ നശിപ്പിച്ച സംഭവത്തിലാണ് അറസ്റ്റ്.
ഏപ്രില്‍ നാലിനായിരുന്നു കേസിനാസ്പദമായ സംഭവം. പ്രദേശവാസികളാണ് ക്ഷേത്രത്തിലെ വിഗ്രഹങ്ങള്‍ തകർക്കപ്പെട്ട നിലയില്‍ കണ്ടെത്തിയത്. വർഗീതയാണ് സംഭവത്തിന് പിന്നിലെന്ന വാദങ്ങള്‍ ഉയർന്നതിനിടെയാണ് ഹിന്ദു യുവാവിനെ പൊലീസ് അറസ്റ്റ് ചെയ്തത്.
ചോദ്യം ചെയ്യലിനിടെ മദ്യലഹരിയില്‍ സംഭവിച്ചതാണെന്നായിരുന്നു സുനിലിന്റെ പ്രതികരണമെന്ന് സിദ്ധാർത്ഥ നഗർ പൊലീസ് സുപ്രണ്ട് പ്രാചി സിങ് പറഞ്ഞു.
