![](https://newsthen.com/wp-content/uploads/2024/04/Screenshot_2024-04-01-19-44-27-39_a71c66a550bc09ef2792e9ddf4b16f7a2.jpg)
ശനിയും ഞായറും യുഎഇയില് ഔദ്യോഗിക വാരാന്ത്യ ദിനങ്ങളായതിനാല് ചെറിയ പെരുന്നാള് ആഘോഷിക്കാൻ ഫെഡറല് ഗവണ്മെൻ്റ് ജീവനക്കാർക്ക് ഒമ്ബത് ദിവസത്തെ ഇടവേളയാണ് ലഭിക്കുക.
പൊതുമേഖലയിലെ ജീവനക്കാർക്കെല്ലാം ഈ അവധി ബാധകമായിരിക്കും. അതായത് സർക്കാറിന് കീഴില് ജോലി ചെയ്യുന്ന മലയാളികള് ഉള്പ്പെടേയുള്ള പ്രവാസികള്ക്കും ഈ അവധി ലഭിക്കും. ശമ്ബളത്തോടെയുള്ള അവധിയായിരിക്കും ഇത്.
![Signature-ad](https://newsthen.com/wp-content/uploads/2024/06/signature.jpg)
ഇത്രയധികം ദിവസം നീണ്ടുനില്ക്കില്ലെങ്കിലും സ്വകാര്യ മേഖലയിലെ കമ്ബനികളും മൂന്നോ നാലോ ദിവസത്തെ അവധി പ്രഖ്യാപിച്ചേക്കും. അതിന് മുന്നോടിയായി ശനിയും ഞായറും വരുന്നതിനാല് അവർക്കും അഞ്ച് ദിവസത്തോളം നീണ്ട് നില്ക്കുന്ന അവധി ലഭിച്ചേക്കും.
പെരുന്നാള് മാസപ്പിറവി കണ്ടാലും ഇല്ലെങ്കിലും അവധി ഔദ്യോഗികമായി ഏപ്രില് 8 ന് ആരംഭിക്കും. ഇസ്ലാമിക കലണ്ടർ പ്രകാരം, ചന്ദ്രനെ കാണുന്നത് അനുസരിച്ച് റമദാൻ 29 അല്ലെങ്കില് 30 ദിവസം നീണ്ടുനില്ക്കും. റമദാനിന് ശേഷമുള്ള ശവ്വാല് മാസം ഒന്നാം തിയതിയാണ് ഈദ് അല് ഫിത്തർ, അഥവാ ചെറിയ പെരുന്നാള് ദിനമായി ആഘോഷിക്കുന്നത്.