ഗ്യാസ് സിലിണ്ടര്‍ പൊട്ടിത്തെറിച്ചു, യുവതിക്കും മൂന്ന് കുട്ടികള്‍ക്കും ദാരുണാന്ത്യം

രാവിലെ ഭക്ഷണമുണ്ടാക്കുന്ന സമയത്താണ് സിലിണ്ടർ പൊട്ടിത്തെറിച്ചതെന്നും യുവതിയും കുട്ടികളും സംഭവ സ്ഥലത്തുവെച്ച്‌ തന്നെ മരിച്ചെന്നും ദേവ്‌റിയ പോലീസ് സൂപ്രണ്ട് പറഞ്ഞു.

ആര്‍തി ദേവി(35) ഇവരുടെ 14, 15, വയസുള്ള കുട്ടികളും 11 മാസം മാത്രം പ്രായമുള്ള പിഞ്ചുകുഞ്ഞുമാണ് മരിച്ചത്. ഗ്യാസ് സിലിണ്ടർ രാവിലെ ഭക്ഷണമുണ്ടാക്കുന്ന സമയത്ത് പൊട്ടിത്തെറിക്കുകയും പിന്നാലെ തീപിടിത്തമുണ്ടാവുകയുമായിരുന്നു. സംഭവസ്ഥലത്തുവച്ചു തന്നെ നാല് പേരും മരണപ്പെട്ടു. കുട്ടികള്‍ അപകടസമയത്ത് ഉറക്കത്തിലായിരുന്നുവെന്നാണ് വിവരം. അഗ്നിശമനസേന എത്തിയാണ് തീയണച്ചത്.