മുംബൈ: സ്വാതന്ത്ര്യം നേടിത്തന്നതും രാജ്യം കെട്ടിപ്പടുത്തതും കോണ്‍ഗ്രസാണെന്നും ഇത് ആര്‍ക്കും മാറ്റാൻ കഴിയില്ലെന്നും ശിവസേന എംപി സഞ്ജയ് റാവത്ത്.
കോണ്ഗ്രസ് ഇല്ലായിരുന്നുവെങ്കില്‍ രാജ്യത്തിന് സ്വാതന്ത്ര്യം ലഭിക്കില്ലായിരുന്നു, രാജ്യത്തിന് നേതൃത്വം ലഭിക്കില്ലായിരുന്നു, നമുക്ക് ശാസ്ത്രത്തിലും പുരോഗതിയും ഉണ്ടാകുമായിരുന്നില്ല. സാങ്കേതികവിദ്യ ലഭിക്കുമായിരുന്നില്ല. എല്ലാം നേടി തന്നത് കോണ്ഗ്രസ് മാത്രം. ഇതൊന്നും ആർക്കും മാറ്റാൻ കഴിയില്ലെന്നും രാജ്യം കെട്ടി പടുത്തത് കോണ്ഗ്രസ് ആണെന്നും അദ്ദേഹം പറഞ്ഞു.
രാജ്യത്തിന് വേണ്ടി ചിന്തിക്കാത്തതിനാല്‍ ബിജെപിക്ക് ഒരിക്കലും മനസ്സിലാകാത്ത ഒരുപാട് കാര്യങ്ങളുണ്ട്. അവർ ബിസിനസുകാരെക്കുറിച്ച്‌ മാത്രമാണ് ചിന്തിക്കുന്നതെന്നും അദ്ദേഹം കൂട്ടിച്ചേർത്തു.
