അയോധ്യ : രാമഭക്തർക്ക് സൗജന്യ ചികിത്സയുമായി അയോധ്യയിലെ പുതിയ അപ്പോളോ ഹോസ്പിറ്റൽ.
അപ്പോളോ ഗ്രൂപ്പ് സ്ഥാപകനും ചെയർമാനുമായ പ്രതാപ് സി റെഡ്ഡിയാണ് ഇക്കാര്യം അറിയിച്ചത്.കഴിഞ്ഞ ദിവസം കുടുംബസമേതം രാമക്ഷേത്രം സന്ദർശിച്ച ശേഷമായിരുന്നു അദ്ദേഹം ഇക്കാര്യം വ്യക്തമാക്കിയത്.
കൊച്ചു മകളായ ഉപാസന കാമിനേനിയും ഭർത്താവും നടനുമായ രാം ചരണും ഒപ്പമുണ്ടായിരുന്നു.മഞ്ഞ വസ്ത്രം ധരിച്ച്‌ മുത്തച്ഛനോടൊപ്പം ക്ഷേത്രത്തിലേക്ക് പോകുന്ന വീഡിയോയും ഉപാസന പങ്കുവെച്ചിട്ടുണ്ട്.
ഉപാസനയുടെയും , പ്രതാപ് റെഡ്ഡിയുടെയും നേതൃത്വത്തില്‍ അടുത്തിടെ അയോധ്യയിൽ അപ്പോളോ ഹോസ്പിറ്റല്‍ സർവീസ് ആരംഭിച്ചിരുന്നു. ‘ രാം ലല്ലയുടെ അനുഗ്രഹത്തോടെ, അയോധ്യ സന്ദർശിക്കുന്ന തീർഥാടകർക്ക് സൗജന്യ എമർജൻസി കെയർ നൽകുന്നതിന് അപ്പോളോ ഫൗണ്ടേഷന് സന്തോഷമുണ്ട്- പ്രതാപ് റെഡ്ഡി പറഞ്ഞു
