പാലക്കാട്: പതിനൊന്നുകാരിയെ പീഡിപ്പിച്ച കേസില്‍ ഈസ്റ്റ് ഒറ്റപ്പാലം കൂരിയില്‍ മുസ്തഫയെ (50) പോക്‌സോ വകുപ്പ് പ്രകാരം ഒറ്റപ്പാലം പൊലീസ് അറസ്റ്റ് ചെയ്തു.
ഓട്ടോറിക്ഷ ഡ്രൈവറായ ഇയാള്‍ ഓട്ടോയില്‍ വെച്ചാണ് പെണ്‍കുട്ടിയെ പീഡിപ്പിച്ചത്.
പെണ്‍കുട്ടിയും കുടുംബവും കണ്ണിയംപുറത്തുള്ള സ്വകാര്യ ആശുപത്രിയിലേക്ക് ഇയാളുടെ ഓട്ടോ വിളിച്ചു പോയതാണ്. കുടുംബം പെണ്‍കുട്ടിയെ ഓട്ടോറിക്ഷയില്‍ ഇരുത്തി ഡോക്ടറെ കാണാൻ പോയി. ആ സമയം ഒട്ടോയില്‍ വെച്ച്‌ മുസ്തഫ പെണ്‍കുട്ടിയെ പീഡിപ്പിച്ചുവെന്നാണ് കേസ്.
കഴിഞ്ഞ ദിവസം സ്‌കൂളില്‍ നടന്ന കൗണ്‍സിലിംഗിലാണ് കുട്ടി സംഭവം പറഞ്ഞത്. അറസ്റ്റ് ചെയ്ത പ്രതിയെ കോടതിയില്‍ ഹാജരാക്കി റിമാൻഡ് ചെയ്തു.
