ബംഗളൂരു: ബെളഗാവി ജില്ലയിലെ ഖാനപൂരില്‍ കാർ മരത്തിലിടിച്ച്‌ തകർന്ന് യാത്രക്കാരായ ആറു പേർ മരിച്ചു.മറ്റ് നാലു പേർക്ക് പരിക്കേറ്റിട്ടുണ്ട്. കാർ ഡ്രൈവർ ഷാറൂഖ് പെൻഡാരി (30), ഇഖ്ബാല്‍ ജമദർ (50), സാനിയ ലങ്കോട്ടി (37), ഉമറാബീഗം ലങ്കോട്ടി (17), ശബ്നം ലങ്കോട്ടി (37), ഫർഹാൻ ലങ്കോട്ടി (13) എന്നിവരാണ് മരിച്ചത്. മങ്ക്യണ്‍കൊപ്പ-ബീഡി റോഡില്‍ നിയന്ത്രണം വിട്ട കാർ പാതയോരത്തെ മരത്തിലിടിച്ചാണ് അപകടം.പരിക്കേറ്റവരെ സമീപത്തെ ആശുപത്രികളിൽ പ്രവേശിപ്പിച്ചു.
