ശ്രീകോവിലിനകത്ത് വിഗ്രഹത്തില്‍ ചാർത്തിയിരുന്ന തിരുവാഭരണങ്ങളും വിളക്കുകളും ഇയാള്‍ എടുത്തെറിഞ്ഞു. വിളക്കിലെ എണ്ണ ദേഹത്ത് ഒഴിക്കുകയും ചെയ്തു. തുടർന്ന് ഏറെനേരം ശ്രീകോവിലിനകത്തുനിന്ന് പുറത്തിറങ്ങാതെയിരുന്നു. വിവരമറിഞ്ഞെത്തിയ പൊലീസും ക്ഷേത്ര ജീവനക്കാരും ചേർന്ന് ഇയാളെ ബലമായി പിടികൂടുകയായിരുന്നു.
ഞായറാഴ്ച രാവിലെ എട്ടോടെയാണ് സംഭവം. ഞെരളത്ത് സംഗീതോത്സവത്തിന്റെ ഭാഗമായി രാവിലെ ക്ഷേത്രത്തില്‍ നല്ല തിരക്കുണ്ടായിരുന്നു. ഭക്തർക്കിടയില്‍നിന്ന് യുവാവ് പെട്ടെന്ന് ശ്രീകോവിലിലേക്ക് കുതിക്കുകയായിരുന്നു. എന്താണ് സംഭവിച്ചതെന്നറിയാതെ ക്ഷേത്ര ജീവനക്കാരും വിശ്വാസികളും പരിഭ്രാന്തരായി തടിച്ചുകൂടി. സംഭവം ഏറെനേരം ക്ഷേത്രത്തില്‍ അങ്കലാപ്പുണ്ടാക്കി. യുവാവിനെ പിടികൂടിയ ശേഷം ചിലർ മർദിക്കാൻ മുതിർന്നെങ്കിലും ക്ഷേത്ര ജീവനക്കാർ തടഞ്ഞു. തുടർന്ന് പൊലീസ് ഇയാളെ പെരിന്തല്‍മണ്ണ സ്റ്റേഷനിലേക്ക് മാറ്റി.
