കൊച്ചി: ഇൻസ്റ്റഗ്രാം വഴി പരിചയപ്പെട്ട പ്രായപൂർത്തിയാകാത്ത പെണ്‍കുട്ടിയെ പീഡിപ്പിച്ച യുവാക്കളെ മുളവുകാട് പൊലീസ് പിടികൂടി.
പുതുവൈപ്പ് സൂര്യ പെട്രോള്‍ പമ്ബിനുസമീപം തെക്കെതെരുവില്‍ വീട്ടില്‍ ബിബിൻ (22), സുഹൃത്ത് പുതുവൈപ്പ് മുരിക്കുംപാടം പഴമയില്‍ വീട്ടില്‍ ജീവൻ (21) എന്നിവരാണ് പിടിയിലായത്. പ്രതികളെ കോടതിയില്‍ ഹാജരാക്കി.
അതേസമയം സമൂഹമാധ്യമത്തിലൂടെ പരിചയപ്പെട്ട പെണ്‍കുട്ടിയോട് ലൈംഗികാതിക്രമം നടത്തിയ മറ്റൊരു സംഭവത്തിൽ മലപ്പുറം വലിയപീടിയേക്കല്‍ ജംഷീറിനെ(26) എറണാകുളം സൗത്ത് പൊലീസ് അറസ്റ്റ് ചെയ്തു. ടൗണ്‍ സൗത്ത് പൊലീസ് സ്റ്റേഷൻ ഇൻസ്പെക്ടർ എം.എസ്. ഫൈസലിന്‍റെ നേതൃത്വത്തിലാണ് പ്രതിയെ അറസ്റ്റ് ചെയ്തത്. ഇയാളെ റിമാൻഡ് ചെയ്തു.
