കൊച്ചി വാട്ടർ മെട്രോ ആകെ ചിലവ് ₹1137 cr.
കേന്ദ്ര വിഹിതം> ₹819 cr
KFW ലോൺ (ജർമൻ കമ്പനി) ₹765cr
കേരള വിഹിതം =0000
819+765 = (1584 – 1137)= ₹447
കോടി സ്വാഹ.
കമ്മികൾ തള്ളുന്നത് – കൊച്ചി വാട്ടർ മെട്രോ ചിലവ് മൊത്തം കേരളമാണ് വഹിക്കുന്നത്.” ഇങ്ങനെ പോകുന്നു പോസ്റ്റ്.
വാട്ടർ മെട്രോയുടെ ഉദ്ഘാടനത്തോടെ സോഷ്യൽ മീഡിയയിൽ പറന്നു നടന്ന പോസ്റ്റാണ് ഇപ്പോൾ വീണ്ടും തലപൊക്കിയിരിക്കുന്നത്.ഇതിനു കാരണം അടുത്തിടെ കൊച്ചി വാട്ടർ മെട്രോയുടെ രണ്ടു ബോട്ടുകൾ സരയു നദിയിലെ സർവീസിനായി അയോധ്യയിലേക്ക് മാറ്റിയിരുന്നു.ഇത് വിവാദമായതോടെ യാണ് പോസ്റ്റ് വീണ്ടും സോഷ്യൽ മീഡിയയിൽ ‘സർവീസ്’ ആരംഭിച്ചത്.
ബിസിനസ് ഓണ്‍ലൈനില്‍ 2019 ഒക്ടോബര്‍ 18 ന് പ്രസിദ്ധീകരിച്ച വാര്‍ത്തയില്‍ പറയുന്നത് കൊച്ചി വാട്ടര്‍ മെട്രോ പദ്ധതിക്ക് കേന്ദ്ര സര്‍ക്കാര്‍ 819 കോടി രൂപയുടെ പാരിസ്ഥിതിക അനുമതി നല്‍കിയെന്നാണ്. അതായത്, കേന്ദ്രം പണം മുടക്കുന്നുവെന്നല്ല, അനുമതി നല്‍കിയെന്നാണ്. പദ്ധതിക്ക് ക്ലിയറൻസ് നൽകിയതിനെ കുറിച്ചുള്ള വാർത്തയാണ് 819 കോടി രൂപ കേന്ദ്രം പദ്ധതിക്ക് പണമനുവദിച്ചെന്ന നിലയിൽ സമൂഹമാധ്യമങ്ങളിൽ പ്രചരിക്കുന്നത്.
ഇതിൽ പ്രധാന നിക്ഷേപകരായ സംസ്ഥാന സർക്കാരിന് 74 ശതമാനം ഓഹരിയും കൊച്ചി മെട്രോ റെയിൽ ലിമിറ്റഡിന് 26 ശതമാനം ഓഹരിയുമാണ് ഉള്ളത്.കേന്ദ്ര സംസ്ഥാന സർക്കാരുകൾക്ക് തുല്യ പങ്കാളിത്തമുള്ള സ്ഥാപനമാണ് കെഎംആർഎൽ. എന്നാൽ കെഎംആർഎൽ കൊച്ചി വാട്ടർ മെട്രോയ്ക്ക് വേണ്ടി പണം മുടക്കിയിട്ടില്ല. കേന്ദ്ര സർക്കാരിൻ്റെ ഫണ്ടും പദ്ധതിയിലില്ല. 26% ഓഹരിയുടെ ഉടമസ്ഥാവകാശം കൊച്ചി മെട്രോ ലിമിറ്റഡ് കമ്പനിക്ക് മാത്രമായിരിക്കും എന്നർത്ഥം!
