മലപ്പുറം:കോളജില്‍ നിന്നും വിനോദയാത്രക്ക് പോയ വിദ്യാര്‍ഥി അപകടത്തില്‍ മരിച്ചു. മലപ്പുറം പെരുമണ്ണ പാലച്ചിറമാട് സ്വദേശി പറപ്പാറ സലാമിന്‍റെ മകൻ ഷഹബാസ് അലി (19) ആണ് മരിച്ചത്.
വെള്ളിയാഴ്ച രാത്രി ട്രെയിനില്‍ മറ്റ് കുട്ടികൾക്കൊപ്പം നാട്ടിലേക്ക് വരുന്നതിനിടെ തമിഴ്നാട് സേലത്ത് വെച്ചാണ് അപകടം സംഭവിച്ചതെന്നാണ് ലഭിക്കുന്ന വിവരം.
സംഭവത്തിൽ കുടുംബം പോലീസിൽ പരാതി നൽകിയിട്ടുണ്ട്. മരവട്ടം ഗ്രേസ് വാലി കോളജ് വിദ്യാര്‍ഥിയാണ്.
