കൊൽക്കത്ത: പോലീസ് പെട്രോളിംഗ് വാഹനത്തിലേയ്ക്ക് കാര്‍ ഇടിച്ചുകയറി എസ്‌ഐ ഉള്‍പ്പെടെ രണ്ട് പോലീസ് ഉദ്യോഗസ്ഥര്‍ മരിച്ചു.മൂന്നുപേര്‍ക്ക് പരിക്കുണ്ട്.
എസ്‌ഐ സുജോയ് ദാസ് (45), ഹോംഗാര്‍ഡ് ഉദ്യോഗസ്ഥനായ പലാഷ് സമാന്ദ (31)എന്നിവരാണ് മരിച്ചത്.
ബംഗാളിലെ ഹൗറ ജില്ലയില്‍ ദേശീയപാത 16 ല്‍ വ്യാഴാഴ്ച രാവിലെയാണ് സംഭവം. റോഡരികില്‍ പാര്‍ക്കുചെയ്തിരുന്ന പോലീസ് വാഹനത്തിലേയ്ക്ക് അമിതവേഗത്തില്‍ എത്തിയ കാര്‍ ഇടിച്ചു കയറുകയായിരുന്നു.
അപകടത്തില്‍ പരിക്കേറ്റവരെ സമീപത്തെ ആശുപത്രിയില്‍ പ്രവേശിപ്പിച്ചെങ്കിലും രണ്ട് ഉദ്യോഗസ്ഥരെയും രക്ഷിക്കാനായില്ല. വാഹനത്തിലുണ്ടായിരുന്ന മറ്റുള്ളവരെ സമീപത്തെ ആശുപത്രിയില്‍ പ്രവേശിപ്പിച്ചു.
