2023 ഡിസംബര്‍ 19 മുതല്‍ 31 വരെ ടെക്‌സസിലെ ഹൂസ്റ്റണിലെ മൂസ ക്രിക്കറ്റ് സ്റ്റേഡിയത്തില്‍ ആണ് അമേരിക്കൻ പ്രീമിയര്‍ ലീഗിന്റെ (എപിഎല്‍) രണ്ടാം പതിപ്പ് നടക്കുന്നത്. ഏഴ് ടീമുകളിലായി 40 ഓളം അന്താരാഷ്ട്ര ക്രിക്കറ്റ് താരങ്ങള്‍ ഈ ലീഗില്‍ ഇത്തവണ ഉണ്ടാകും.
ഇന്ത്യൻ ഫാസ്റ്റ് ബൗളര്‍ ശ്രീശാന്തും ഓള്‍റൗണ്ടര്‍ ബിന്നിയും പ്രീമിയം ഇന്ത്യൻസ് ടീമിന്റെ ഭാഗമാകും. കഴിഞ്ഞ വര്‍ഷം ഇന്ത്യയിലെ എല്ലാ ആഭ്യന്തര ക്രിക്കറ്റില്‍ നിന്നും ശ്രീശാന്ത് വിരമിക്കല്‍ പ്രഖ്യാപിച്ചിരുന്നു.
“പ്രീമിയം ഇന്ത്യൻസ് എന്നെ തിരഞ്ഞെടുത്തതില്‍ ബഹുമതിയുണ്ട്. ഇന്ത്യക്ക് പുറത്ത് ക്രിക്കറ്റ് ഇക്കോ സിസ്റ്റത്തിന്റെ ഫ്രാഞ്ചൈസിയില്‍ ഞാൻ ഇപ്പോഴും വളരെ പുതിയ ആളാണ്, അതിനാല്‍ ഈ നീക്കത്തില്‍ വളരെ ആവേശമുണ്ട്. ആദ്യമായി ഒരു പുതിയ പ്രദേശത്ത് അമേരിക്കൻ കാണികളുടെ മുന്നില്‍ കളിക്കുന്നത് മികച്ച അനുഭവമായിരിക്കും.” 40കാരനായ ശ്രീശാന്ത് പറഞ്ഞു.
