കൊച്ചി: 300 രൂപയ്ക്ക് മൂന്നര മണിക്കൂര്‍ കൊച്ചിയുടെ മനം മയക്കുന്ന കാഴ്ചകള്‍ ബോട്ടിലിരുന്ന് ആസ്വദിക്കാന്‍ സംസ്ഥാന ജലഗതാഗത വകുപ്പ് അവസരമൊരുക്കുന്നു.
2023 ഡിസംബറില്‍ ‘ ഇന്ദ്ര ‘ എന്ന ക്രൂസ് ബോട്ട് സര്‍വീസാണ് 300 രൂപയുടെ പാക്കേജുമായി എത്തുന്നത്.ദിവസേന രണ്ട് ട്രിപ്പുകളാണ് പ്ലാന്‍ ചെയ്തിരിക്കുന്നത്. രാവിലെ 10.30നും, വൈകുന്നേരം 3.30നുമായിരിക്കും ട്രിപ്പ് ആരംഭിക്കുക.
100 പേരെ ഉള്‍ക്കൊള്ളാന്‍ സാധിക്കുന്നതാണ് ക്രൂസ്.കൊച്ചിയില്‍ ആദ്യമായിട്ടാണ് ജലഗതാഗത വകുപ്പ് ക്രൂസ് സര്‍വീസ് ആരംഭിക്കുന്നത്.
എറണാകുളം ജെട്ടിയിൽ നിന്നാണ് യാത്ര ആരംഭിക്കുന്നത്. ഇന്ദ്ര വൈപ്പിൻ കടൽമുഖം, ഫോർട്ട്‌കൊച്ചി, മട്ടാഞ്ചേരി എന്നിവിടങ്ങളിലെ കാഴ്ചകൾ കണ്ടാണ് മടങ്ങുക.ദിവസവും രണ്ടു സർവീസാണ് ഉണ്ടാകുക.
