ഹൈദരാബാദ്: തെലങ്കാനയില്‍ നിര്‍മാണത്തിലിരുന്ന സ്വകാര്യ ഇൻഡോര്‍ സ്റ്റേഡിയം തകര്‍ന്നുവീണ് രണ്ട് തൊഴിലാളികള്‍ മരിച്ചു, പത്ത് പേര്‍ക്ക് പരിക്കേറ്റു.
രംഗറെഡ്ഡി ജില്ലയിലെ മോയിനാബാദില്‍ തിങ്കളാഴ്ചയാണ് അപകടമുണ്ടായത്. സംഭവസമയത്ത് 14 തൊഴിലാളികള്‍ സ്ഥലത്തുണ്ടായിരുന്നതാണ് പ്രാഥമികവിവരം.
ബിഹാര്‍ സ്വദേശി ബബ്ലു, പശ്ചിമബംഗാള്‍ സ്വദേശി സുനില്‍ എന്നിവരാണ് മരിച്ചത്. പരിക്കേറ്റ തൊഴിലാളികളെ സമീപത്തുള്ള ആശുപത്രിയിലേക്ക് മാറ്റി.
