ലാഹോർ: പാക്കിസ്ഥാനിൽ ക്രിക്കറ്റ് ടീമിലെ താരങ്ങള്‍ തമ്മില്‍ കൂട്ടയടി. പാകിസ്ഥാനിലെ ഒരു പ്രാദേശിക ക്രിക്കറ്റ് മത്സരത്തിനിടെ ഇരു ടീമിലെയും താരങ്ങള്‍ തമ്മില്‍ നടന്ന കൂട്ടയടിയാണ് സോഷ്യല്‍ മീഡിയയിലടക്കം വൈറലാകുന്നത്. റണ്ണൗട്ടാക്കിയതിനെ ചൊല്ലിയുള്ള തർക്കമാണ് കൂട്ടയടിയിൽ കലാശിച്ചത്.
ഇതിനിടെ കാണികളും മറ്റുള്ളവരും ചേർന്ന് ഇവരെ പിടിച്ചു മാറ്റാന്‍ ശ്രമിക്കുന്നുണ്ടെങ്കിലും അടിപെട്ടന്നൊന്നും ശമിച്ചില്ല. സോഷ്യല്‍ മീഡിയയില്‍ അടിയുടെ ഈ വീഡിയോ പ്രചരിക്കുന്നുണ്ടെങ്കിലും ഈ വീഡിയോ എപ്പോള്‍ ചിത്രീകരിച്ചതാണെന്ന് വ്യക്തമല്ല.
