മലപ്പുറം: ഇരുചക്ര വാഹനവും ലോറിയും കൂട്ടിയിടിച്ച് ഗര്‍ഭിണിക്ക് ദാരുണാന്ത്യം. പ്രിജി (31) ആണ് മരിച്ചത്. ഭര്‍ത്താവ് സുജീഷിന് പരുക്കേറ്റു. ഇന്ന് (ശനി) ഉച്ചയ്ക്ക് 12 മണിയോടെ ചന്തക്കുന്ന് യു.പി സ്‌കൂളിന് സമീപത്താണ് അപകടം. സുജീഷിനൊപ്പം സ്‌കൂട്ടറില്‍ സഞ്ചരിക്കുകയായിരുന്നു പ്രിജി. ലോറിയെ മറികടക്കാന്‍ ശ്രമിക്കുന്നതിനിടെയാണ് അപകടമുണ്ടായത്.
പ്രിജി ലോറിയുടെ അടിയിലേക്ക് വീണുപോയി. അപകടത്തില്‍ സാരമായി പരുക്കേറ്റ ഇവരെ ജില്ലാ ആശുപത്രിയിലെത്തിച്ച് പ്രാഥമിക ശുശ്രൂഷ നല്‍കി. പിന്നീട് കോഴിക്കോട് മെഡികല്‍ കോളജിലേക്ക് കൊണ്ടു പോകും വഴിയാണ് മരണം സംഭവിച്ചത്. സുജീഷിന് കാര്യമായി പരുക്കേറ്റിട്ടില്ല. മൃതദേഹം മെഡികല്‍ കോളജില്‍ പോസ്റ്റ്‌മോര്‍ടത്തിന് ശേഷം ബന്ധുക്കള്‍ക്ക് വിട്ടുകൊടുക്കും.
