മദ്യലഹരിയിലായിരുന്ന ഡ്രൈവര്‍ ഓടിച്ച ഓട്ടോറിക്ഷാ മറ്റൊരു ഓട്ടോയെ ഇടിച്ച്‌ തെറിപ്പിച്ചു; ഒരാൾക്ക് ഗുരുതര പരിക്ക്

പത്തനംതിട്ട: മദ്യലഹരിയിലായിരുന്ന ഡ്രൈവര്‍ ഓടിച്ച ഓട്ടോറിക്ഷാ നിയന്ത്രണം വിട്ട് മറ്റൊരു ഓട്ടോയെ ഇടിച്ച്‌ തെറിപ്പിച്ചു.അഴൂരില്‍ ആണ് സംഭവം.

ഇടിയുടെ ആഘാതത്തില്‍ യാത്രക്കാരുമായി പോയ ഓട്ടോ തോട്ടിലേക്ക് മറിഞ്ഞു. അപകടത്തില്‍ ഗുരുതരമായി പരിക്കേറ്റ ഒരാളെ കോട്ടയം മെഡിക്കല്‍ കോളേജിലേക്ക് മാറ്റി. സംഭവത്തില്‍ ഓട്ടോറിക്ഷാ ഡ്രൈവ‍റെ പൊലീസ് പിടികൂടി. വള്ളിക്കോട് സ്വദേശിയായ രഞ്ജിത്താണ് പിടിയിലായത്.

അഴൂര്‍ ജംഗ്ഷനില്‍ വെച്ച്‌ രഞ്ജിത്ത് ഓടിച്ചിരുന്നു ഓട്ടോ കോന്നി ഭാഗത്ത് നിന്ന് വന്ന മറ്റൊരു ഓട്ടോയെ ഇടിച്ചുതെറിപ്പിക്കുകയായിരുന്നു.അഗ്നിരക്ഷാ സേനയും പൊലീസും നാട്ടുകാരും ചേര്‍ന്നാണ് വാഹനത്തില്‍ കുടുങ്ങിയവരെ രക്ഷപ്പെടുത്തിയത്. അപകടമുണ്ടാക്കിയ ശേഷം നിര്‍ത്താതെ പോയ ഓട്ടോ പിന്നീട് പൊലീസ് കസ്റ്റഡിയിലെടുത്തു.