ചെന്നൈ:ചെന്നൈയിന്‍ എഫ്‌.സിയെ 3-0 ത്തിനു തകര്‍ത്ത്‌ എഫ്‌.സി. ഗോവ ഇന്ത്യന്‍ സൂപ്പര്‍ ലീഗ്‌ ഫുട്‌ബോളില്‍ ഒന്നാം സ്ഥാനത്തെത്തി.13 പോയിന്റുമായി ഒന്നാം സ്ഥാനത്തായിരുന്ന കേരള ബ്ലാസ്റ്റേഴ്സിനെ മറികടന്നാണ് ഗോവ ഐഎസ്എൽ ടോപ്പിലേക്കുയർന്നത്.
ഗോവയ്ക്കും ബ്ലാസ്‌റ്റേഴ്‌സിനും ഒരേ പോയിന്റാണെങ്കിലും ഗോള്‍ ശരാശരിയില്‍ ബ്ലാസ്റ്റേഴ്സ് പിന്നിലാകുകയായിരുന്നു.
ചെന്നൈയുടെ തട്ടകമായ ജവാഹര്‍ലാല്‍ നെഹ്‌റു സ്‌റ്റേഡിയത്തില്‍ നടന്ന മത്സരത്തില്‍ ഗോവയ്‌ക്കു വേണ്ടി ബോറിസ്‌ സിങ്‌ താങ്‌ജം, റോവ്‌ലിന്‍ ബോര്‍ഗസ്‌, ഉദാന്ത സിങ്‌ കുമാം എന്നിവര്‍ ഗോളടിച്ചു.
ആറ്‌ കളികളില്‍നിന്ന്‌ ആറ്‌ പോയിന്റ്‌ നേടിയ ചെന്നൈയിന്‍ ഏഴാം സ്‌ഥാനത്താണ്‌.
