ചണ്ഡീഗഡ്: വിദേശത്ത് നിന്നെത്തി മണിക്കൂറുകള്‍ക്കുള്ളില്‍ ഭാര്യയെ കൊലപ്പെടുത്തി ഭര്‍ത്താവ്. പഞ്ചാബിലെ കപുര്‍ത്തല സന്ധുചാത്ത ഗ്രാമത്തിലാണ് സംഭവം.
ഇറ്റലിയില്‍ നിന്ന് മടങ്ങിയെത്തിയ സുഖ്ദേവ് സിംഗാണ് ഭാര്യ ഹര്‍പ്രീത് കൗറിനെ (45) കൊലപ്പെടുത്തിയത്.കഴിഞ്ഞ ദിവസമാണ് സുഖ്ദേവ് നാട്ടിലെത്തിയത്. ഇതിന് പിന്നാലെ സുഖ്ദേവ് ഹര്‍പ്രീതിനെ കിടപ്പുമുറിയിലേയ്‌ക്ക് വലിച്ചിഴച്ച്‌ കൊണ്ടുവന്ന് തല തറയില്‍ ഇടിപ്പിച്ചു കൊല്ലുകയായിരുന്നു.
തല്‍ക്ഷണം ഹര്‍പ്രീതിന് ജീവൻ നഷ്ടപ്പെട്ടുവെന്ന് കപുര്‍ത്തല സീനിയര്‍ പൊലീസ് സൂപ്രണ്ട് വത്സല ഗുപ്ത പറഞ്ഞു. സംഭവത്തില്‍ കേസ് രജിസ്റ്റര്‍ ചെയ്തതായും ഒളിവില്‍പ്പോയ സുഖ്‌ദേവിനായി അന്വേഷണം ആരംഭിച്ചതായും എഎസ്‌പി പറഞ്ഞു.
ഭാര്യയുടെ അവിഹിതബന്ധമാണ് കൊലപാതകത്തിൽ കലാശിച്ചതെന്നാണ് സൂചന.
