സെയ്ദ് മുഷ്താഖ് അലി ട്രോഫിയിൽ ജയം തുടര്‍ന്ന് കേരളം.സര്‍വീസസിനെതിരെ ഒരു റണ്ണിനായിരുന്നു കേരളത്തിന്റെ ജയം.
വിഷ്ണു വിനോദിന്റെ സെഞ്ചുറിയുടെ മികവിൽ കേരളം സര്‍വീസിനെതിരെ 190 റണ്‍സ് വിജയലക്ഷ്യമാണ് ഉയര്‍ത്തിയത്.മറുപടി ബാറ്റിങ്ങിനിറങ്ങിയ സര്‍വീസിന് 188 റണ്‍സെടുക്കാനെ സാധിച്ചുള്ളൂ. ടൂര്‍ണമെന്റിലെ കേരളത്തിന്റെ രണ്ടാം ജയമാണിത്.
ടോസ് നേടിയ കേരളം ആദ്യം ബാറ്റിങ് തിരഞ്ഞെടുക്കുകയായിരുന്നു. വിഷ്ണു വിനോദിന്റെ സെഞ്ചുറി മികവിലാണ് കേരളം 189 റണ്‍സെടുത്തത്. 62 പന്തില്‍ പുറത്താകാതെ 109 റണ്‍സായിരുന്നു വിഷ്ണുവിന്റെ സമ്പാദ്യം. നാല് സിക്സറുകളുടെയും 15 ഫോറുകളുടെയും അകമ്ബടിയോടെയായിരുന്നു വിഷ്ണുവിന്റെ സെഞ്ചുറി നേട്ടം. 42 റണ്‍സെടുത്ത സലാം നിസാറും വിഷ്ണുവിന് മികച്ച പിന്തുണ നല്‍കി. അതേസമയം 22 റണ്‍സ് മാത്രമെടുത്ത ക്യാപ്റ്റൻ സഞ്ജു സാംസണ്‍ വീണ്ടും നിരാശപ്പെടുത്തി
