ന്യൂഡൽഹി: ഏകദിന ക്രിക്കറ്റ് ലോകകപ്പില്‍ ചാമ്ബ്യൻമാരെ വീഴ്ത്തി അഫ്ഗാനിസ്ഥാൻ. ഇംഗ്ലണ്ടിനെ 69 റണ്ണിനാണ് അഫ്ഗാൻ അട്ടിമറിച്ചത്.മൂന്നാമത്തെ ലോകകപ്പ് കളിക്കുന്ന അഫ്ഗാന്റെ ക്രിക്കറ്റ് ചരിത്രത്തിലെ ഏറ്റവും മികച്ച വിജയമാണിത്.
ഇതിനു മുൻപ് 2015 ലോകകപ്പില്‍ സ്കോട്ട്ലൻഡിനെ ഒരു വിക്കറ്റിന് തോല്‍പ്പിച്ചതാണ് ഏകവിജയം. ഇക്കുറി രണ്ട് കളിയും തോറ്റ് പോയിന്റ് പട്ടികയില്‍ അവസാനസ്ഥാനത്തായിരുന്നു.
അതേസമയം മൂന്ന് കളിയിലെ രണ്ടാംതോല്‍വി ഇംഗ്ലണ്ടിന്റെ സെമി സാധ്യതയ്ക്ക് മങ്ങലേല്‍പ്പിക്കും.
സ്കോര്‍: അഫ്ഗാൻ 284 (49.5), ഇംഗ്ലണ്ട് 215 (40.3)
