കോടതി വാറണ്ട് പുറപ്പെടുവിച്ച എലിവാലിക്കര സ്വദേശി കീച്ചേരില് വിജി ശ്രീധരനാണ് വനിതാ എസ്ഐയെ ആക്രമിച്ചത്. എസ്ഐ ശാന്തി കെ ബാബുവിന് നേരെയാണ് ആക്രമണം ഉണ്ടായത്. കൂടുതല് പൊലീസ് സ്ഥലത്ത് എത്തിയാണ് പ്രതിയെ പിന്നീട് അറസ്റ്റ് ചെയ്തത്.
2013ല് അയല്വാസിയായ സ്ത്രീയെ ആക്രമിച്ച കേസിലെ അറസ്റ്റ് വാറന്റ് നടപ്പാക്കാനെത്തിയ പൊലീസ് സംഘത്തോടാണ് എരുമേലി എലിവാലിക്കര സ്വദേശി ശ്രീധരന് കയര്ത്തത്. അറസ്റ്റിന് വഴങ്ങില്ലെന്ന് പൊലീസിനോട് പ്രഖ്യാപിച്ച് വീടിനകത്തു കയറി ശ്രീധരന് വാതിലടയ്ക്കാന് ശ്രമിച്ചു. വാതില് തളളിത്തുറക്കാന് പൊലീസും ശ്രമിച്ചതോടെ സംഘര്ഷമായി.
ഇതിനിടയിലാണ് വനിതാ എസ്ഐ ശാന്തി കെ ബാബുവിനെ ശ്രീധരന് മുടിക്ക് കുത്തിപ്പിടിക്കുകയും പുറത്ത് ഇടിക്കുകയും ചെയ്തത്. അയല്വാസികള്ക്ക് നേരെ നിരന്തരം പ്രശ്നങ്ങളുണ്ടാക്കുന്നത് ശ്രീധരന്റെ പതിവാണെന്ന് പൊലീസ് പറഞ്ഞു. മുമ്ബും അന്വേഷിച്ചെത്തുന്ന പൊലീസുകാര്ക്കു നേരെ നായയെ അഴിച്ചുവിട്ടതടക്കം ശ്രീധരനും കുടുംബവും പ്രശ്നമുണ്ടാക്കിയിട്ടുണ്ടെന്നും
