പുനലൂര്: കഞ്ചാവുമായി രണ്ട് യുവാക്കള് പൊലീസ് പിടിയില്. എറണാകുളം പറമ്ബ് സ്വദേശി ബി. റിയാസ് (27), തമിഴ്നാട് പുളിയങ്കുടി കര്പ്പക റോഡ് സ്വദേശി മുരുകാനന്ദം (29) എന്നിവരാണ് ശിവഗിരി പൊലീസിന്റെ പിടിയിലായത്.
കൊല്ലം-തെങ്കാശി റോഡില് ശിവഗിരി ചെക്പോസ്റ്റില് നടത്തിയ വാഹന പരിശോധനയ്ക്കിടെയാണ് പ്രതികള് പിടിയിലായത്.ഇവരില് നിന്നും 105 കിലോ കഞ്ചാവാണ് പിടികൂടിയത്. പച്ചക്കറി ലോറിയില് ആണ് ഇവര് കേരളത്തിലേക്ക് കഞ്ചാവ് കടത്തിയത്.
മധുരയില് നിന്ന് കൊണ്ടുവന്ന കഞ്ചാവും പച്ചക്കറിയും ആര്യങ്കാവ് വഴി കേരളത്തിലേക്ക് കടത്താനായിരുന്നു ശ്രമം. തെങ്കാശി എസ്.പി സാംസന്റെ നേതൃത്വത്തിലാണ് ഇവരെ അറസ്റ്റ് ചെയ്തത്.
