രാത്രിയും പകലുമില്ലാതെ ഏത് പ്രതികൂല കാലാവസ്ഥയിലും അയണ് ഡോമിന് പ്രവര്ത്തിക്കാനാകുമെന്നതാണ് ഇതിന്റെ പ്രത്യേകത. മൂന്ന് യൂണിറ്റുകളാണ് ഒരു അയണ് ഡോമിന് ഉണ്ടാവുക. ശത്രു തൊടുത്തുവിടുന്ന റോക്കറ്റുകളെ തിരിച്ചറിയാനുള്ള റഡാര് സംവിധാനം, പ്രത്യാക്രമണം നിയന്ത്രിക്കുന്നതിനുള്ള സംവിധാനം, മിസൈലുകള് തൊടുത്തുവിടുന്ന മൂന്നു ലോഞ്ചറുകള് എന്നിവയടങ്ങുന്നതാണ് അയണ് ഡോമിന്റെ ഒരു ‘ബാറ്ററി’. ഈ മൂന്നു യൂണിറ്റുകളും വ്യത്യസ്ത ഇടങ്ങളിലായിരിക്കും സ്ഥാപിച്ചിരിക്കുന്നത്. ലോഞ്ചറുകളെ വയര്ലെസ് സംവിധാനത്തിലൂടെയായിരിക്കും നിയന്ത്രിക്കുക. ഒരു റോക്കറ്റിനെ തകര്ക്കുന്നതിനുള്ള ഓരോ മിസൈല് വിക്ഷേപണത്തിനും ചെലവ് ഏകദേശം അമ്ബതിനായിരം ഡോളറാണ്.
റഡാര് സംവിധാനം ശത്രുറോക്കറ്റിനെ തിരിച്ചറിയുകയും സ്ഥാനം നിര്ണയിക്കുകയും ചെയ്യുന്നു. ഇത് പ്രത്യാക്രമണം നിയന്ത്രിക്കുന്നതിനുള്ള സംവിധാനത്തിന് കൈമാറുന്നു. ഈ വിവരം ഉപയോഗിച്ച് റോക്കറ്റ് പതിക്കാനിടയുള്ള പ്രദേശം ഏതെന്ന് തിരിച്ചറിഞ്ഞ് മിസെല് ആക്രമണം ആകാശത്തുവെച്ച് തന്നെ തകര്ക്കപ്പെടും. ചിലപ്പോള് അത് സംഭവിക്കുക ശത്രുവിന്റെ പരിധിക്കുള്ളില് വെച്ചുതന്നെ ആയിരിക്കും. ശത്രു നടത്തുന്ന വ്യോമമാര്ഗമുള്ള ഏത് ആക്രമണത്തെയും ആകാശത്തുവെച്ച് തന്നെ തകര്ക്കും.
