ഹാങ്ഷൗ: ഏഷ്യന്‍ ഗെയിംസ് പുരുഷ ഹോക്കിയില്‍ ഇന്ത്യ ഫൈനലില്‍ കടന്നു.സെമിയില്‍ ദക്ഷിണകൊറിയയെ 5-3 എന്ന സ്‌കോറിന് തോല്‍പ്പിച്ചായിരുന്നു ഇന്ത്യ അവസാന രണ്ടിലെത്തിയത്.
ഇന്ത്യയ്ക്കായി ഹാര്‍ദിക് സിംഗ്, മന്‍ദീപ് സിംഗ്, ലളിത് ഉപാധ്യായ്, അമിത് രോഹിദാസ്,അഭിഷേക് സിംഗ് എന്നിവര്‍ ഓരോ ഗോള്‍ വീതം നേടി.കൊറിയയ്ക്കായി ജുംഗ് മാഞ്ചെ ഹാട്രിക് നേടി.
ഹര്‍മന്‍പ്രീത് സിംഗ് നയിക്കുന്ന നീലപ്പട ഗെയിംസില്‍ തുടര്‍ച്ചയായ ആറാം വിജയത്തോടെയാണ് ഫൈനലില്‍ പ്രവേശിക്കുന്നത്.
2024ലെ പാരീസ് ഒളിമ്ബിക്‌സിന് നേരിട്ട് യോഗ്യത നേടുക എന്ന ലക്ഷ്യത്തോട് ഒരു പടികൂടി അടുക്കാനും ഇതോടെ ഇന്ത്യയ്ക്കായി.
1966,1998,2014 ഏഷ്യൻ ഗെയിംസുകളിലാണ് ഇന്ത്യ സ്വര്‍ണം നേടിയിട്ടുള്ളത്.ജപ്പാന്‍-ചൈന മത്സരത്തിലെ വിജയിയെയാണ് ഇന്ത്യ ഫൈനലിൽ നേരിടുക.
