ആലപ്പുഴ: മല്‍സ്യബന്ധനത്തിനിടെ കടലില്‍ കാണാതായ മല്‍സ്യത്തൊഴിലാളിയുടെ മൃതദേഹം കണ്ടെത്തി. മാരാരിക്കുളം തെക്ക് പഞ്ചായത്ത് കാട്ടൂര്‍ വാഴക്കൂട്ടത്തില്‍ ജിബിന്‍ അലക്‌സാണ്ടറി (28)ന്റെ മൃതദേഹമാണ് പള്ളിത്തോട് ഭാഗത്ത് കണ്ടെത്തിയത്.
കഴിഞ്ഞ തിങ്കളാഴ്ച പുലര്‍ച്ചെയാണ് കാട്ടൂര്‍ പടിഞ്ഞാറ് കടലില്‍ വല നീട്ടുന്നതിന് വള്ളത്തില്‍ നിന്നു കടലിലേക്ക് ഇറങ്ങിയപ്പോള്‍ ജിബിനെ കാണാതായത്. കാട്ടൂരില്‍നിന്നു സുഹൃത്തുക്കള്‍ എത്തി മൃതദേഹം തിരിച്ചറിഞ്ഞു. മൃതദേഹം കരയിലെത്തിച്ച് ചേര്‍ത്തല താലൂക്ക് ആശുപത്രിയിലേക്ക് മാറ്റാന്‍ നീക്കം നടക്കുകയാണ്.
