കൊച്ചി: മലയാളത്തിന്റെ മഹാ നടന്‍ മമ്മൂട്ടിക്ക് ഇന്ന് 72ാം പിറന്നാള്‍. പ്രിയപ്പെട്ട താരത്തിന്റെ പിറന്നാള്‍ ആഘോഷമാക്കാന്‍ ഒരുങ്ങുകയാണ് ആരാധകര്‍. ഒരാഴ്ച മുന്‍പ് തന്നെ പ്രിയ നടന്റെ ജന്മദിനം ആഘോഷമാക്കാനുള്ള ഒരുക്കങ്ങള്‍ ആരാധകര്‍ തുടങ്ങിയിരുന്നു.
അതിനിടെ, അര്‍ധ രാത്രിയില്‍ മമ്മൂട്ടിയുടെ വീടിനു മുന്നില്‍ ആരാധകര്‍ തടിച്ചുകൂടി. ഇതിന്റെ വീഡിയോ വൈറലായി മാറുകയും ചെയ്തു. വിവിധ ഇടങ്ങളില്‍ നിന്നുള്ളവരാണ് മമ്മൂട്ടിയുടെ വീടിനു മുന്നില്‍ തടിച്ചു കൂടിയത്.
ആര്‍പ്പു വിളിച്ചും ആശംസകള്‍ അറിയിച്ചും അഭിവാദ്യം അര്‍പ്പിച്ചും അവര്‍ പ്രിയ താരത്തിന്റെ പിറന്നാള്‍ ആഘോഷമാക്കി. ദുല്‍ഖറും മമ്മൂട്ടിയും ആരാധകരെ അഭിവാദ്യം ചെയ്യാന്‍ എത്തുകയും ചെയ്തു. ഒപ്പം രമേഷ് പിഷാരടിമുണ്ടായിരുന്നു.
