രാജ്യത്തെ തന്നെ ഏറ്റവും തിരക്കേറിയ റെയില്‍വേ ഹബ്ബുകളില്‍ ഒന്നാണ് ഇത്. ഈസ്റ്റ് സെൻട്രല്‍ റെയില്‍വേയിലെ ഒരു പ്രധാന സ്റ്റേഷൻ കൂടിയാണ് ബറൗനി. ഈ സ്റ്റേഷനില്‍ രണ്ട് പ്ലാറ്റ്‌ഫോമുകളാണ് ഉള്ളത്. എന്നിട്ടും ഇവിടെ ഒന്നാം നമ്ബര്‍ പ്ലാറ്റ്ഫോം ഇല്ല. ഇവിടെയുള്ള പ്ലാറ്റ്‍ഫോമുകളെ മുകളിലെ പ്ലാറ്റ്ഫോം, താഴത്തെ പ്ലാറ്റ്ഫോം എന്നിങ്ങനെയാണ് വിളിക്കുന്നത്. രണ്ട് ജംഗ്ഷനുകള്‍ ഉള്‍ക്കൊള്ളുന്ന തരത്തിലാണ് പ്ലാറ്റ്‍ഫോമുകള്‍.
1860 -ലാണ് ബെഗുസരായിലെ ഗധാര റെയില്‍വേ സ്റ്റേഷൻ സ്ഥാപിക്കുന്നത്. ഇതിനുശേഷം 1883 -ല്‍ ഗധാര സ്റ്റേഷൻ അടച്ചുപൂട്ടി. തുടര്‍ന്ന്, രണ്ടു കിലോമീറ്റര്‍ വടക്കായി ബറൗനി റെയില്‍വേ ജംഗ്ഷൻ നിര്‍മ്മിക്കുകയും ചെയ്തു. ബ്രിട്ടീഷ് കാലം തൊട്ട് തന്നെ ഈ സ്റ്റേഷന് ഒന്നാം നമ്ബര്‍ പ്ലാറ്റ്ഫോം ഇല്ല. എന്നാല്‍, അതിന് കൃത്യമായി എന്താണ് കാരണം എന്നത് ഇന്നും ആര്‍ക്കും അറിയില്ല.
