ഇതിനായി ആദ്യം പോല്‍ ആപ്പ് നിങ്ങളുടെ ഫോണിലേക്ക് ഡൌണ്‍ലോഡ് ചെയ്തശേഷം അക്കൗണ്ട് ക്രിയേറ്റ് ചെയ്യുക. തുടര്‍ന്ന് ആപ്പിലെ Mike Sanction Registration എന്ന ഓപ്ഷൻ ക്ലിക്ക് ചെയ്യുക. ആവശ്യപ്പെടുന്ന വിവരങ്ങള്‍ പൂരിപ്പിച്ചു നല്‍കുക. അപേക്ഷകന്റെ വിവരങ്ങള്‍, മൈക്ക് ഓപ്പറേറ്ററുടെ ലൈസൻസ്, തിരഞ്ഞെടുപ്പ് ആവശ്യങ്ങള്‍ക്ക് ആണെങ്കില്‍ റിട്ടേണിങ് ഓഫീസറുടെ സര്‍ട്ടിഫിക്കറ്റ്, വാഹനത്തിനാണെങ്കില്‍ റൂട്ട്, വാഹനത്തിന്റെ വിവരങ്ങള്‍ തുടങ്ങിയ ഡോക്യൂമെന്റുകള്‍ അപ്‌ലോഡ് ചെയ്യുക. സാധാരണ ആവശ്യങ്ങള്‍ക്ക് 660 രൂപയും വാഹനത്തില്‍ ഉച്ചഭാഷിണി ഘടിപ്പിക്കുന്നതിനാണെങ്കില്‍ 1115 രൂപയും ഫീസ് അടക്കേണ്ടതായുണ്ട്. ഓണ്‍ലൈൻ ആയി ഫീസ് അടക്കാവുന്നതാണ്.
തുണ വെബ്സൈറ്റ് വഴി ആണെങ്കിലും മേല്‍ പറഞ്ഞിരിക്കുന്ന സ്റ്റെപ്പുകള്‍ പൂര്‍ത്തിയാക്കേണ്ടതുണ്ട്. ഇക്കാര്യങ്ങള്‍ പൂര്‍ത്തിയാക്കിയാല്‍ അപേക്ഷ സമര്‍പ്പിക്കാം.
സാധാരണ മൈക്ക് സാങ്ഷൻ അപേക്ഷകള്‍ അപേക്ഷിച്ച സ്ഥലത്തെ അസി. കമ്മിഷണര്‍ അഥവാ ഡിവൈ.എസ്.പി ഓഫീസുകളിലേക്കും വാഹനത്തിലേക്ക് ഉള്ളതാണെങ്കില്‍ ജില്ലാ സ്പെഷ്യല്‍ ബ്രാഞ്ച് ഓഫീസുകളിലേക്കും കൈമാറ്റം ചെയ്യപ്പെടും. അവിടെ നിന്നുള്ള തുടര്‍ അന്വേഷണങ്ങള്‍ക്ക് ശേഷം അനുമതി ലഭിച്ചാല്‍ സര്‍ട്ടിഫിക്കറ്റ് ആപ്പ് വഴിയോ വെബ്സൈറ്റ് വഴിയോ ഡൌണ്‍ലോഡ് ചെയ്തെടുക്കാവുന്നതാണ്.
