കോട്ടോപ്പാടം അക്കരവീട്ടില്‍ റഷീദിന്റെ മക്കളായ റമീഷ, നാഷിദാ, റിൻഷി എന്നിവര്‍ ഇന്നലെയാണ് ഭീമനാടുള്ള പെരുങ്കുളത്തില്‍ കുളിക്കുന്നതിനിടെ മുങ്ങി മരിച്ചത്. ഓണാവധിക്കായി കോട്ടോപ്പാടത്തെ വീട്ടിലേക്ക് എത്തിയതായിരുന്നു ഇവർ.
കൂട്ടത്തില്‍ ഒരാള്‍ കുളിക്കുന്നതിനിടെ കുളത്തില്‍ മുങ്ങി. മറ്റ് രണ്ട് പേര്‍ ചേര്‍ന്ന് രക്ഷിക്കാൻ ശ്രമിച്ചെങ്കിലും ഇരുവരും അപകടത്തില്‍പ്പെടുകയായിരുന്നു.മണ്ണാര്‍ക്കാട് മദര്‍കെയര്‍ ആശുപത്രിയില്‍ നിന്ന് പാലക്കാട് ജില്ലാ ആശുപത്രിയിലേക്ക് മാറ്റിയ മൃതദേഹങ്ങള്‍ ഇന്ന് പോസ്റ്റ്മോര്ട്ടം നടപടികള്‍ പൂര്‍ത്തീകരിച്ച്‌ ബന്ധുക്കള്‍ക്ക് വിട്ടു നല്‍കും.
