തിരുവനന്തപുരം:കിളിമാനൂരിൽ 16 കാരിയെ പീഡിപ്പിച്ച കേസിൽ 60 കാരനായ ഓട്ടോറിക്ഷ ഡ്രൈവർ അറസ്റ്റിൽ.കൊടുവഴന്നൂർ പുല്ലയിൽ പൊതുവിളാകത്ത് വീട്ടിൽ വസന്തകുമാറിനെ(60) ആണ് നഗരൂർ പോലീസ് അറസ്റ്റ് ചെയ്തത്.
പെൺകുട്ടി ഏഴാം ക്ലാസിൽ പഠിക്കുന്ന കാലം മുതൽ ഇയാൾ പീ ഡനത്തിനിരയാക്കിയിരുന്നു.ഒടുവിൽ സഹികെട്ട് ട്യൂഷൻ സ്ഥാപനത്തിലെ അധ്യാപകനോട് പെൺകുട്ടി പീഡനവിവരം തുറന്നു പറയുകയായിരുന്നു .അധ്യാപകൻ പെൺകുട്ടിയുടെ വീട്ടിൽ വിവരമറിയിച്ചു .തുടർന്ന് മാതാവ് പോലീസിൽ പരാതി നൽകുകയായിരുന്നു.
പെൺകുട്ടി ഏഴാം ക്ലാസിൽ പഠിക്കുന്ന സമയത്ത് വൈകിട്ട് ട്യൂഷന് പോയി വരുമ്പോൾ വീട്ടിൽ കൊണ്ടുവിടാമെന്ന് പറഞ്ഞ് ഓട്ടോയിൽ കയറ്റി ആളൊഴിഞ്ഞ സ്ഥലത്ത് കൊണ്ടുപോയാണ് ഇയാൾ ആദ്യം പീഡിപ്പിച്ചത്.പിന്നീട്
പീഡനം പകർത്തിയ ചിത്രങ്ങളും വീഡിയോകളും കയ്യിലുണ്ടെന്ന് ഭീഷണിപ്പെടുത്തി ഇയാൾ പെൺകുട്ടിയെ വീണ്ടും വീണ്ടും പീഡനത്തിനിരയാക്കുകയായിരുന്നു.
പോക്സോ വകുപ്പ് പ്രകാരമാണ് കേസ്.പ്രതിയെ കോടതി റിമാൻഡ് ചെയ്തു.
