തെന്നിന്ത്യന്‍ താര റാണിയാണ് തമന്ന. തമിഴ്, തെലുങ്ക് ചിത്രങ്ങളിലൂടെ ഹൃദയങ്ങള്‍ കീഴടക്കിയ സിന്ധി പാരമ്പര്യമുള്ള തമന്ന ഭാട്ടിയ എന്ന തമന്ന ഇപ്പോള്‍ ബോളിവുഡിലും സജീവമാണ്. അതിനിടെ, നടിയുമായി ബന്ധപ്പെട്ട വീഡിയോ സോഷ്യല്‍ മീഡിയയില്‍ വൈറലാകുന്നു.
കൊല്ലത്ത് കട ഉദ്ഘാടനത്തിനെത്തിയപ്പോഴാണ് സംഭവം. ഉദ്ഘാടനത്തിനു േശഷം വേദിയില്‍ നിന്നും നടി ഇറങ്ങി വരുന്നതിനിടെ ബാരിക്കേഡിനു മുകളിലൂടെ ഒരു യുവാവ് നടിയുടെ മുന്നിലേക്കു ചാടിവീണു. തമന്നയുടെ മുന്നിലെത്തിയ യുവാവ് അവരോട് അനുവാദം ചോദിക്കാതെ കൈ പിടിക്കുകയും ചെയ്തു.
എന്നാല്‍, സാഹചര്യം മനസ്സിലാക്കി യുവാവിനോട് സ്‌നേഹത്തോടു കൂടി പെരുമാറുന്ന തമന്നയെ വീഡിയോയില്‍ കാണാം. നടിയുടെ അനുവാദമില്ലാെത കയ്യില്‍ പിടിച്ച യുവാവിനെ അവിടെയുണ്ടായിരുന്ന ബൗണ്‍സര്‍മാര്‍ പെട്ടന്നു തന്നെ തള്ളി നീക്കി. യുവാവിന് ഒരു ഫോട്ടോ എടുക്കണമെന്ന ആഗ്രഹം പ്രകടിപ്പിച്ചപ്പോള്‍ തമന്ന ഒരിഷ്ടക്കേടും പ്രകടമാക്കാതെ ആ ആഗ്രഹവും സാധിച്ചു കൊടുക്കുകയായിരുന്നു.
തമന്നയുടെ പ്രവര്‍ത്തിയെ അഭിനന്ദിച്ച് നിരവധി ആളുകളാണ് രംഗത്തുവരുന്നത്. അതേസമയം യുവാവിനു നേരെ വലിയ വിമര്‍ശനങ്ങളും ഉയര്‍ന്നു കഴിഞ്ഞു. ഒരാളോട് അനുവാദം ചോദിക്കാതെ കയ്യില്‍ പിടിക്കുന്നത് തെറ്റാണെന്നും ഒരിക്കലും നടക്കാന്‍ പാടില്ലാത്തതാണ് അവിടെ സംഭവിച്ചതെന്നും ഇവര്‍ ചൂണ്ടിക്കാട്ടുന്നു.
