ആലപ്പുഴ:കായംകുളത്ത് യുവാവിനെ വെട്ടിക്കൊന്നു.പുതുപ്പള്ളി പത്തിശേരി സ്വദേശിയായ അമ്ബാടിയാണ് കൊല്ലപ്പെട്ടത്.
വാഹനാപകടവുമായി ബന്ധപ്പെട്ട തര്‍ക്കമാണ് കൊലപാതകത്തില്‍ കലാശിച്ചതെന്നാണ് ലഭിക്കുന്ന വിവരം.പൊലീസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്.
അതിനിടെ കൊല്ലം ചിതറയില്‍ യുവാവിനെ കഴുത്തില്‍ പ്ലാസ്റ്റിക് കയര്‍ മുറുക്കി കൊലപ്പെടുത്തിയ കേസില്‍ അമ്മയും അച്ഛനും സഹോദരനും അറസ്റ്റിലായി. സൊസൈറ്റി മുക്ക് സ്വദേശി 21 വയസുള്ള ആദര്‍ശാണ് കൊല്ലപ്പെട്ടത്.
കേസില്‍ അച്ഛൻ തുളസീധരൻ , അമ്മ മണിയമ്മാള്‍, സഹോദരൻ അഭിലാഷ് എന്നിവരാണ് അറസ്റ്റിലായത്. മദ്യപിച്ച്‌ സ്ഥിരമായി പ്രശ്നമുണ്ടാക്കുന്ന ആദര്‍ശിനെ ഞായറാഴ്ച രാത്രിയാണ് മൂന്നുപേരും ചേര്‍ന്ന് കൊലപ്പെടുത്തിയത്.
