കോട്ടയം : ചിങ്ങവനത്ത് പട്ടാപ്പകല്‍ നടുറോഡില്‍ യുവതിയ്ക്ക് മുന്നില്‍ നഗ്തനാ പ്രദര്‍ശനം നടത്തിയ യുവാവ് പിടിയിൽ.
കോട്ടയം സ്വദേശിയായ സിബി ചാക്കോയെയാണ് ചിങ്ങവനം പൊലീസ് പിടികൂടിയത്.ഒറ്റയ്ക്ക് നടന്നുവരുമ്പോൾ ലൈംഗിക വൈകൃതം കാട്ടിയ പ്രതിയുടെ ദൃശ്യങ്ങൾ യുവതി മൊബൈലില്‍ പകർത്തിയിരുന്നു.
കോട്ടയം കോടിമത സ്വദേശിനിയായ യുവതിയെ പരുത്തുംപാറ ഭാഗത്തെ ഇടവഴിയിൽ വെച്ചാണ് അപരിചിതനായ യുവാവ് നഗ്നത പ്രദർശനം നടത്തിയത്. പ്രതിയുടെ അസ്വാഭാവിക പെരുമാറ്റം കണ്ട യുവതി ഉടൻതന്നെ ദൃശ്യങ്ങൾ പകർത്തുകയായിരുന്നു.ദൃശ്യങ്ങൾ പകർത്തുന്നത് കണ്ടിട്ടും പ്രതി കുറ്റകൃത്യം തുടർന്നതായി പരാതിക്കാരി പറയുന്നു.വാഹനത്തിന്റെ നമ്പർ പ്ളേറ്റ് മറച്ച നിലയിലായിരുന്നു.
യുവതിയുടെ പരാതിയിൽ ചിങ്ങവനം പൊലീസിന്റെ നേതൃത്വത്തിൽ നടത്തിയ അന്വേഷണത്തിലാണ് പ്രതിയെ ചങ്ങനാശ്ശേരിയിൽ നിന്ന് പിടികൂടിയത്.യുവതി തന്നെയാണ് ഇതിന്റെ ദൃശ്യങ്ങൾ സോഷ്യൽ മീഡിയയിലും പങ്ക് വച്ചത്.
