കോഴിക്കോട്: വടകര ആയഞ്ചേരിയിൽ നാല് വയസുകാരി ഉൾപ്പെടെ എട്ട് പേർക്ക് കുറുക്കൻറെ കടിയേറ്റു. നാല് വയസുകാരി ഫാത്തിമയെ വീടിനുള്ളിൽ കയറിയാണ് കുറുക്കൻ കടിച്ചത്. പരുക്കേറ്റവരെ വടകര ജില്ലാ ആശുപത്രിയിൽ പ്രവേശിപ്പിച്ചു. പൈങ്ങോട്ടായി, കോട്ടപ്പള്ളി ഭാഗത്ത് വൈകിട്ട് ആറ് മണിയോടെയാണ് കുറുക്കൻറെ ആക്രമണമുണ്ടായത്. മിക്കവർക്കും കാലുകൾക്കും കൈകൾക്കുമാണ് കടിയേറ്റത്. കണ്ണിൽ കണ്ടവരെയെല്ലാം കുറുക്കൻ ആക്രമിക്കുകയായിരുന്നു. തുടർന്ന് നാട്ടുകാർ കുറുക്കനെ തല്ലിക്കൊന്നു.
