ആലപ്പുഴ: തോട്ടില്‍ വീണ് വയോധികന് ദാരുണാന്ത്യം. കുത്തിയതോട് പഞ്ചായത്ത് 15-ാം വാര്‍ഡില്‍ തിരുമല ഭാഗം കൊട്ടപ്പള്ളി വീട്ടില്‍ രവി (80) ആണ് മരിച്ചത്.
ഒറ്റക്കായിരുന്നു താമസം. പുലര്‍ച്ചെ ഭക്ഷണവുമായി വന്ന സഹോദരപുത്രൻ വീട്ടില്‍ കാണാതിരുന്നതിനെ തുടര്‍ന്ന് സമീപവാസികളുമായി നടത്തിയ തിരച്ചിലിലാണ് മൃതദേഹം കണ്ടെത്തിയത്.
കുത്തിയതോട് പൊലീസ് കേസെടുത്തു. ആലപ്പുഴ മെഡിക്കല്‍ കോളജ് ആശുപത്രി പോസ്റ്റ്മോര്‍ട്ടത്തിനു ശേഷം സംസ്കാരം നടത്തി. ഭാര്യ പരേതയായ മണി.
