ജൂണ്‍ ഏഴ് ബുധനാഴ്ച രാത്രി സര്‍പ്രൈസ് നല്‍കാമെന്ന് പറഞ്ഞ് മകളെ അരികില്‍ വിളിച്ച്‌ മഴുവെച്ച്‌ നക്ഷത്രയെ വെട്ടി കൊലപ്പെടുത്തുകയായിരുന്നു പിതാവ് ശ്രീമഹേഷ്.ആറ് വയസുകാരിയായ പെണ്‍കുട്ടിയുടെ മരണ വാര്‍ത്തയും ചിത്രങ്ങളും സോഷ്യല്‍ മീഡിയയില്‍ അനുശോചനം അറിയിച്ചുകൊണ്ട് നിരവധി പേര് പങ്കുവെച്ചിരുന്നു.അതോടൊപ്പം മരിച്ച നക്ഷത്രയുടെ വീഡിയോയാണെന്ന് പറഞ്ഞുകൊണ്ട് ചില ദൃശ്യങ്ങളും ഇതിനിടെ പലരും പങ്കുവെച്ചു.
‘സ്വന്തം പിതാവിനാല്‍ ജീവൻ നഷ്ടപെട്ട നക്ഷത്ര തിളക്കം’ എന്ന കുറിപ്പോടെയാണ് വിവിധ സോഷ്യല്‍ മീഡിയ പ്ലാറ്റ്ഫോമില്‍ നക്ഷത്രയുടെ പേരില്‍ ഒരു വീഡിയോ പ്രചരിക്കുന്നത്.എന്നാൽ പിങ്ക് വസ്ത്രമണിഞ്ഞ് നൃത്തം ചെയ്യുന്ന മറ്റൊരു പെണ്‍കുട്ടിയുടെ വീഡിയോയാണ് കൊല്ലപ്പെട്ട നക്ഷത്രയുടെ പേരില്‍ സോഷ്യല്‍ മീഡയില്‍ ഇടം പിടിക്കുന്നത്. അമേരിക്കയിലുള്ള മലയാളി ദമ്ബതികളുടെ മകളായ വൈഗ വിശാഖിന്റെ വീഡിയോയാണ് ഇത്.
