മൊറാദാബാദ്:ഉത്തര്‍പ്രദേശിലെ മൊറാദാബാദില്‍ ട്രക്ക് പിക്കപ്പ് വാനുമായി കൂട്ടിയിടിച്ച്‌ ഒരു കുട്ടി ഉള്‍പ്പെടെ എട്ടുപേര്‍ മരിച്ചു.ദല്‍പത്പൂര്‍-കാശിപൂര്‍ ഹൈവേയില്‍ വെച്ചാണ്‌ സംഭവം.
അതിവേഗത്തിലെത്തിയ ട്രക്ക് പിക്കപ്പ് വാനിന്റെ മുകളിലേക്ക് ഇടിച്ചുകയറുകയായിരുന്നുവെന്ന് ദൃക്‌സാക്ഷികള്‍ പറഞ്ഞു. ട്രക്കിന്റെ അടിയില്‍ കുടുങ്ങിയ വാന്‍ യാത്രക്കാരെ ഏറെ പണിപ്പെട്ടാണ് പുറത്തെടുത്തത്.വിവാഹചടങ്ങിൽ പങ്കെടുക്കാൻ പോകുന്നവരായിരുന്നു ഇവർ.
