നേരത്തെ പിതാവും പീഡിപ്പിച്ചതായി പെൺകുട്ടിയുടെ മൊഴി
മലപ്പുറം: പതിനാറുകാരി ഗർഭിണിയായ സംഭവത്തിൽ എൺപത്തഞ്ചു വയസ്സുള്ള മുത്തശ്ശൻ അറസ്റ്റിൽ.കൊണ്ടോട്ടി പൊലീസാണ് പ്രതിയെ അറസ്റ്റ് ചെയ്തത്.
ശാരീരിക അസ്വസ്ഥത പ്രകടിപ്പിച്ച കുട്ടിയെ ആശുപത്രിയില്‍ പരിശോധനയ്ക്ക് വിധേയമാക്കിയപ്പോഴാണ് ഗര്‍ഭിണിയാണെന്ന് കണ്ടെത്തിയത്. ഇതോടെ പീഡന വിവരം പുറത്താകുകയായിരുന്നു.നാലു മാസം മുൻപ് കൊണ്ടോട്ടി പനച്ചിപള്ളിയാളിയിലെ പിതാവിന്റെ തറവാട്ടു വീട്ടില്‍ താമസിക്കാനെത്തിയ കുട്ടിയെ പിതാവിന്റെ പിതാവായ പ്രതി ലൈംഗികമായി പീഡിപ്പിക്കുകയും പുറത്തുപറയരുതെന്ന് ഭീഷണിപ്പെടുത്തുകയും ചെയ്തുവെന്നാണ് കേസ്.
കസ്റ്റഡിയില്‍ എടുത്ത പ്രതിയെ പൊലീസ് മഞ്ചേരി മെഡിക്കല്‍ കോളജിലെത്തിച്ച്‌ ഡിഎന്‍എ പരിശോധനക്കായി രക്തസാമ്ബിള്‍ ശേഖരിച്ചു.ഇതേ കുട്ടിയെ ബലാത്സംഗം ചെയ്തുവെന്നതിന് കുട്ടിയുടെ പിതാവിനെതിരെ അരീക്കോട് പൊലീസില്‍ കേസ് നിലവിലുണ്ട്.
