ഇക്കൊല്ലം വിഷവും ഈസ്റ്ററും പെരുന്നാലും എല്ലാം ഒരുമിച്ചായിരുന്നു. ക്രിസ്ത്യന്‍സ് ഈസ്റ്ററും ഹിന്ദൂസ് വിഷവും പെരുന്നാള്‍ മുസ്ലീംസും ആഘോഷിച്ചു. എന്നാല്‍, അനു സിത്താരയെ സംബന്ധിച്ച് വിഷുവും പെരുന്നാളും എല്ലാം വീട്ടില്‍ വലിയ ആഘോഷമാണ്. രണ്ട് മതത്തില്‍ പെട്ടവരും ഒന്നിച്ച് ജീവിയ്ക്കുന്ന മനോഹരമായ ഒരു കുടുംബമാണ് അനുവിന്റേത്. തന്റെ മത വിശ്വാസത്തെ കുറിച്ച് മുന്‍പ് അനു സിത്താര പറഞ്ഞ കാര്യങ്ങളാണ് ഈ പെരുന്നാള്‍ ദിനത്തില്‍ വൈറലാവുന്നത്.
താന്‍ ഒരു പാതി മുസ്ലീം ആണെന്നാണ് അനു പറഞ്ഞത്. ഉപ്പ അബ്ദുള്‍ സലാം, അമ്മ രേണുക. അച്ഛന്റെയും അമ്മയുടെയും പ്രണയ വിവാഹം ആയിരുന്നു. ഇരു വീട്ടുകാരും തമ്മില്‍ വലിയ തര്‍ക്കങ്ങള്‍ ഒക്കെ ഉണ്ടായിരുന്നുവെങ്കിലും അനു ജനിച്ചതോടെ അതെല്ലാം മാറി. രണ്ട് വീട്ടുകാരും ഒരുമിച്ചു. പിന്നെ ആഘോഷങ്ങള്‍ എല്ലാം ഒന്നാണ്.
സര്‍ട്ടിഫിക്കറ്റില്‍ മുസ്ലീം
ഉപ്പയുടെ ഉമ്മ അനു സിത്താരയെയും സഹോദരി അനു സൊനാരയെയും നിസ്‌കരിക്കാനൊക്കെ പഠിപ്പിച്ചിട്ടുണ്ട്. നോമ്പ് കാലത്ത് കൃത്യമായി വ്രതം എടുക്കാറുണ്ട്. തന്റെ എസ് എസ് എല്‍ സി സര്‍ട്ടിഫിക്കറ്റില്‍ എല്ലാം മതം മുസ്ലീം എന്ന് തന്നെയാണ് കൊടുത്തിരിയ്ക്കുന്നത് എന്നും അനു സിത്താര പറഞ്ഞിരുന്നു.
ഭര്‍ത്താവ് ഹിന്ദു
അമ്മ മാത്രമല്ല, അനുവിന്റെ ഭര്‍ത്താവും ഹിന്ദുവാണ്. വിഷ്ണു പ്രസാദുമായുള്ള അനു സിത്താരയുടെ വിവാഹവും പ്രണയ ബന്ധത്തിലൂടെയാണ്. വിവാഹത്തിന് ശേഷമാണ് അനു സിനിമയിലേക്ക് വന്നതും. അനു മുസ്ലീം ആചാരങ്ങളും ഹിന്ദു ആചാരങ്ങളും പാലിക്കാറുണ്ട്.
ആഘോഷങ്ങള്‍
ഞങ്ങളുടെ വീട്ടിലെ ആഘോഷങ്ങള്‍ക്ക് എല്ലാം ഒരു പ്രത്യേകതയുണ്ട് എന്നാണ് അനു പറഞ്ഞത്. വിഷു, ഓണം ഒക്കെ വരുമ്പോള്‍ മലബാര്‍ സൈഡില്‍ എത്രയൊക്കെ സദ്യ വിളമ്പിയാലും എന്തെങ്കിലും ഒരു നോണ്‍ വെജ്ജും നിര്‍ബന്ധമാണ്. അത്തരം ആഘോഷങ്ങളില്‍ അടുക്കളയില്‍ നിന്ന് ഒരിടത്ത് നിന്ന് അമ്മൂമ്മ സദ്യ ഉണ്ടാക്കുമ്പോള്‍ അപ്പുറത്തെ സൈഡില്‍ നിന്ന് ഉമ്മൂമ്മ ബിരിയാണിയും ഉണ്ടാക്കുന്നുണ്ടാവും. പെരുന്നാളിനും നോണ്‍വെജ് ഉമ്മൂമ്മ ഉണ്ടാക്കിയാല്‍ വെജ് ഐറ്റംസ് അമ്മമ്മയുടെ വകയായിരിയ്ക്കും- അനു സന്തോഷത്തോടെ പറഞ്ഞു
