‘അനുരാഗ കരിക്കിൻ വെള്ളം’, ‘വെള്ളി മൂങ്ങ’ എന്നീ ഹിറ്റ് സിനിമകളുടെ കൂട്ടുകെട്ടായ ബിജു മേനോനും ആസിഫ് അലിയും ഒരു ഇടവേളക്കുശേഷം ഒത്തുചേരുന്നു.
നിരവധി ഹിറ്റ് ചിത്രങ്ങൾ ഒരുക്കിയ ജിസ് ജോയിയുടെ പുതിയ ചിത്രത്തിലൂടെയാണ് ഇരുവരും വീണ്ടും ഒത്തുചേരുന്നത്.
അരുൺ നാരായൺ പ്രൊഡക്ഷൻസ് ഇൻ അസ്സോസ്സിയേഷൻ വിത്ത്
ലണ്ടൻ സ്റ്റുഡിയോസിൻ്റെ ബാനറിൽ അരുൺ നാരായൺ, സിജോ സെബാസ്റ്റ്യൻ എന്നിവർ ചേർന്നാണ് ചിത്രം നിർമ്മിക്കുന്നത്.
ഈശോ, ചാവേർ എന്നീ . ചിത്രങ്ങൾക്കു ശേഷം അരുൺ നാരായൺ പ്രൊഡക്ഷൻസ് നിർമിക്കുന്ന മൂന്നാമത്തെ ചിത്രം കൂടിയാണിത്.
ജിസ് ജോയിയുടെ മുൻ ചിത്രങ്ങളിൽ നിന്നും തികച്ചും വ്യത്യസ്ഥമായൊരു ചിത്രമായിരിക്കും ഇത്.
ഫീൽ ഗുഡ് ചിത്രങ്ങളായിരുന്നു ഇതുവരേയും ജിസ് ജോയ് ഒരുക്കിയിരുന്നത്. എന്നാൽ ഈ ചിത്രം പൂർണ്ണമായും ത്രില്ലർ ജോണറിലാണ് അവതരിപ്പിക്കുന്നത്. ഒരു മാസ് ചിത്രമായിരിക്കും ഇത്.
വിശാലമായ ക്യാൻവാസ്സിൽ മുപ്പതോളം മികച്ച അഭിനേതാക്കളെ അണിനിരത്തി വൻ മുതൽ മുടക്കിലാണ് ജിസ് ജോയ് ഈ ചിത്രം ചെയ്യുന്നത്.
ദിലീഷ് പോ’ത്തൻ, ശങ്കർ രാമകൃഷ്ണൻ , അനുശ്രീ, റീനു മാത്യൂസ്, കോട്ടയം നസീർ, ദിനേശ് (നായാട്ട് ഫെയിം) അനുരൂപ്, നന്ദൻ ഉണ്ണി, ബിലാസ് എന്നിവരും പ്രധാന താരങ്ങളാണ്
ഇവർക്കൊപ്പം ഏതാനും പ്രമുഖ താരങ്ങളും നാടകങ്ങളിലും മറ്റും അഭിനയിച്ചവരും ഈ ചിത്രത്തിൽ വേഷമിടുന്നുണ്ട്.
തിരക്കഥാരംഗത്ത് നവാഗതരായ ആനന്ദ്-ശരത്ത് എന്നിവരാണ് ഈ ചിത്രത്തിന്റെതിരക്കഥ രചിച്ചിരിക്കുന്നത്.
ഛായാഗ്രഹണം- ശരൺ വേലായുധൻ. എഡിറ്റിംഗ്- സൂരജ് .ഈ. എസ്.
പ്രൊഡക്ഷൻ കൺ ടോളർ- ആസാദ് കണ്ണാടിക്കൽ .
കണ്ണൂരിന്റെ പശ്ചാത്തലത്തിൽ അവതരിപ്പിക്കുന്ന ഈ ചിത്രത്തിന്റെ ചിത്രീകരണം ഏപ്രിൽ പതിനേഴ് തിങ്കളാഴ്ച്ച തലശ്ശേരിയിൽ ആരംഭിക്കുന്നു . കണ്ണൂർ. തലശ്ശേരി റഭാഗങ്ങളിലായി ചിത്രീകരണം പൂർത്തിയാകും.
വാഴൂർ ജോസ്.
