ഓള്‍ കേരള കിസ്സപ്പാട്ട് അസോസിയേഷനും മഅദിന്‍ അക്കാദമിയും സംയുക്തമായി ഏപ്രില്‍ 2 ന് ഞായറാഴ്ച മലപ്പുറം സ്വലാത്ത് നഗറില്‍ ഒരു പകല്‍ നീണ്ട് നില്‍ക്കുന്ന ബദ്ര്‍ കിസ്സ പാടിപ്പറയല്‍ സംഘടിപ്പിക്കുന്നു.
രാവിലെ 6 ന് ആരംഭിക്കുന്ന പരിപാടി വൈകുന്നേരം 6 ന് സമാപിക്കും. കിസ്സപ്പാട്ടിനെ പുതിയ തലമുറക്ക് പരിചയപ്പെടുത്തുന്നതിനും ബദ്ര്‍ സമരത്തെ അനുസ്മരിക്കുന്നതിനുമാണ് പരിപാടി സംഘടിപ്പിക്കുന്നത്. പരിപാടി ആസ്വദിക്കുന്നതിന് പുരുഷന്‍മാര്‍ക്കും സ്ത്രീകള്‍ക്കും സൗകര്യമൊരുക്കും.
കേരള വഖഫ് ബോര്‍ഡ് ചെയര്‍മാന്‍ അഡ്വ. ടി.കെ ഹംസ ഉദ്ഘാടനം നിര്‍വ്വഹിക്കും. കിസ്സപ്പാട്ട് അസോസിയേഷന്‍ പ്രസിഡണ്ട് സയ്യിദ് സാലിം തങ്ങള്‍ കാമില്‍ സഖാഫി അദ്ധ്യക്ഷത വഹിക്കും. മോയിന്‍കുട്ടി വൈദ്യര്‍ സ്മാരക അക്കാദമി ചെയര്‍മാന്‍ ഡോ: ഹുസൈന്‍ രണ്ടത്താണി മുഖ്യാതിഥിയാകും. മഅദിന്‍ അക്കാദമി ചെയര്‍മാന്‍ സയ്യിദ് ഇബ്റാഹീമുല്‍ ഖലീല്‍ അല്‍ ബുഖാരി മുഖ്യപ്രഭാഷണം നടത്തും. സമസ്ത ജില്ലാ സെക്രട്ടറി ഇബ്റാഹീം ബാഖവി മേല്‍മുറി, സയ്യിദ് ജലാലുദ്ധീൻ ജീലാനി വൈലത്തൂർ, അബൂബക്കര്‍ സഖാഫി അരീക്കോട്, വി പി ശക്കീർ അരിമ്പ്ര, അനസ് കാരിപ്പറമ്പ്, ദുല്‍ഫുഖാര്‍ അലി സഖാഫി എന്നിവര്‍ പ്രസംഗിക്കും.
പാടിപ്പറയൽ രംഗത്ത് പതിറ്റാണ്ടുകൾ പിന്നിട്ട കാഥികരും ഗായകരും വേദിയിൽ ആദരിക്കപ്പെടും
മഹാകവി മോയിന്‍ കുട്ടി വൈദ്യരുടെ 106 ഇശലുകള്‍ പ്രശസ്തരായ നിരവധി കാഥികരും പിന്നണി ഗായകരും 12 മണിക്കൂര്‍ പാടിപ്പറയുന്ന പരിപാടിക്ക് ഹംസ മുസ്ലിയാര്‍ കണ്ടമംഗലം, കെ പി എം അഹ്സനി കൈപ്പുറം,അബൂ മുഫീദ താനാളൂര്‍, പി ടി എം ആനക്കര, കെ.എം കുട്ടി മൈത്ര, യൂസഫ് കാരക്കാട് ,മുസ്തഫ സഖാഫി തെന്നല, കെ.സി.എ കുട്ടി കൊടുവള്ളി, ഇബ്റാഹീം ടി.എന്‍ പുരം, അബു ആബിദ് മുർഷിദി,അഷ്റഫ് സഖാഫി പുന്നത്ത്, റഷീദ് കുമരനെല്ലൂര്‍, മുഹമ്മദ് കുമ്പിടി, മൊയ്തീൻ കുട്ടി മുസ്ലാരങ്ങാടി തുടങ്ങിയവര്‍ നേതൃത്വം നല്‍കും.
