ചെന്നൈ: തമിഴ്നാട്ടില്‍ യുവാവിനെ നടുറോഡില്‍ വെട്ടിക്കൊലപ്പെടുത്തി. തമിഴ്നാട്ടിലെ കൃഷ്ണഗിരിയിലാണ് സംഭവം. ജഗനാ(28)ണ് കൊല്ലപ്പെട്ടത.് ജഗന് വിവാഹം ചെയ്ത പെണ്‍കുട്ടിയുടെ മാതാപിതാക്കളും ബന്ധുക്കളും ചേര്‍ന്നാണ് യുവാവിനെ പട്ടാപ്പകല്‍ നടുറോഡിലിട്ട് കൊലപ്പെടുത്തിയത്.
കുടുംബത്തിന്റെ എതിര്‍പ്പ് അവഗണിച്ചാണ് ജഗന് താന്‍ സ്നേഹിച്ച പെണ്‍കുട്ടിയെ വിവാഹം ചെയ്തത്. ഇതോടെ ഭാര്യ വീട്ടുകാര്‍ക്ക് ജഗനോട് ശത്രുത ഉണ്ടായിരുന്നു. ചില കാര്യങ്ങള്‍ സംസാരിക്കാനുണ്ടെന്ന് പറഞ്ഞാണ് ചൊവ്വാഴ്ച ഉച്ചയോടെ ജഗനെ ഭാര്യ വീട്ടുകാര്‍ വിളിച്ചു വരുത്തിയത്. കാവേരിപട്ടണത്ത് നിന്നും കൃഷ്ണഗിരിയിലേക്ക് പോകുന്ന റോഡില്‍ വെച്ചാണ് പട്ടാപ്പകല്‍ അരുംകൊല അരങ്ങേറിയത്.
തമിഴ്നാട് ഈറോഡ് ജില്ലയിലെ കിട്ടാംപട്ടി ഗ്രാമവാസിയാണ് കൊല്ലപ്പെട്ട ജഗന്. ഒരുമാസം മുമ്പാണ് കുടുംബത്തിന്റെ എതിര്‍പ്പ് അവഗണിച്ച് ശരമ്യയെന്ന പെണ്‍കുട്ടിയെ ജഗന് വിവാഹം ചെയ്തത്. ശരണ്യയുടെ ബന്ധുക്കളില്‍ നിന്ന് ജഗന് ഭീഷണിയുണ്ടായിരുന്നുവെന്ന് ജഗന്റെ ബന്ധുക്കള്‍ ആരോപിക്കുന്നു.
ഭാര്യപിതാവും സഹായികളും ചേര്‍ന്ന് ജഗനെ വെട്ടിക്കൊലപ്പെടുത്തിയ ശേഷം പ്രദേശത്ത് നിന്നും ക്ഷപെടുകയായിരുന്നു. കൊലപാതക വിവരം അറിഞ്ഞെത്തിയ ജഗന്റെ ബന്ധുക്കള്‍ പോലീസ് സ്റ്റേഷന് മുമ്പില്‍ പ്രതിഷേധിച്ചു. സംഭവത്തില്‍ കൂടുതല്‍ അന്വേഷണം നടത്തി കുറ്റക്കാരായവരെ എത്രയും വേഗം പിടികൂടുമെന്ന് പോലീസ് അധികൃതര്‍ വ്യക്തമാക്കി.
