തെന്നിന്ത്യൻ പ്രേക്ഷകരുടെ പ്രിയ താരങ്ങളിൽ ഒരാളാണ് കീർത്തി സുരേഷ്. സാമൂഹ്യ മാധ്യമങ്ങളിലും വളരെ സജീവമായ കീർത്തി സുരേഷ് അന്യ ഭാഷാ ചിത്രങ്ങളിലാണ് ശ്രദ്ധ കേന്ദ്രീകരിച്ചിരിക്കുന്നത്. കീർത്തി സുരേഷിന്റെ ഫോട്ടോകൾ ഓൺലൈനിൽ തരംഗമായി മാറാറുണ്ട്. ഇപ്പോഴിതാ നെറ്റ്ഫ്ലിക്സിന്റെ ഒരു ചടങ്ങിൽ പങ്കെടുത്ത കീർത്തി സുരേഷിന്റെ വീഡിയോയാണ് ശ്രദ്ധയാകർഷിക്കുന്നത്.
കീർത്തി സുരേഷിന്റേതായി എത്താനുള്ള പുതിയ ചിത്രം ‘ദസറ’യാണ്. നാനിയാണ് ‘ദസറ’യിൽ നായകനായി എത്തുന്നത്. ശ്രീകാന്ത ഒഡേല ആണ് ചിത്രം സംവിധാനം ചെയ്യുന്നത്. സന്തോഷ് നാരായണനാണ് ചിത്രത്തിന്റെ സംഗീത സംവിധായകൻ. നവിൻ നൂലി ചിത്രത്തിന്റെ ചിത്രസംയോജനം നിർവഹിക്കുന്നു. സത്യൻ സൂര്യൻ ഐഎസ്‍സി ഛായാഗ്രാഹണം നിർവഹിക്കുന്നു. അവിനാശ് കൊല്ലയാണ് ചിത്രത്തിന്റെ ആർട്.
https://twitter.com/Kritifeed/status/1627022252809261057?ref_src=twsrc%5Etfw%7Ctwcamp%5Etweetembed%7Ctwterm%5E1627022252809261057%7Ctwgr%5Ea554c77ccbba9d9de130501814712281077dc145%7Ctwcon%5Es1_c10&ref_url=https%3A%2F%2Fstatic.asianetnews.com%2Ftwitter-iframe%2Fshow.html%3Furl%3Dhttps%3A%2F%2Ftwitter.com%2FKritifeed%2Fstatus%2F1627022252809261057%3Fref_src%3Dtwsrc5Etfw
കീർത്തി സുരേഷ് നായികയായി ഒട്ടേറെ ചിത്രങ്ങളാണ് വിവിധ ഭാഷകളിൽ പ്രഖ്യാപിച്ചിട്ടുള്ളത്. തമിഴിൽ കീർത്തി സുരേഷ് നായികയാകുന്ന പുതിയ സിനിമ ‘സൈറൺ’ ആണ്. ആന്റണി ഭാഗ്യരാജ് ആണ് ചിത്രം സംവിധാനം ചെയ്യുന്നത്. ജയം രവി നായകനാകുന്ന ചിത്രത്തിന്റെ സംഗീത സംവിധാനം നിർവഹിക്കുന്നത് ജി വി പ്രകാശ് കുമാർ ആണ്. ‘ഭോലാ ശങ്കർ’ എന്ന തെലുങ്ക് ചിത്രത്തിലും ഒരു പ്രധാന വേഷത്തിൽ കീർത്തി സുരേഷ് അഭിനയിക്കുന്നു. ചിരഞ്‍ജീവിയുടെ സഹോദരിയായിട്ടാണ് കീർത്തി സുരേഷ് ‘ഭോലാ ശങ്കറി’ൽ അഭിനയിക്കുന്നത്. മെഹർ രമേഷാണ് സംവിധാനം ചെയ്യുന്നത്.
‘മാമന്നൻ’ എന്ന തമിഴ് ചിത്രം കീർത്തി സുരേഷ് അഭിനയിച്ച് പൂർത്തിയായിരുന്നു. ഉദയ്‍നിധി സ്റ്റാലിനും ഫഹദും പ്രധാന കഥാപാത്രങ്ങളെ അവതരിപ്പിക്കുന്ന ചിത്രം മാരി സെൽവരാജ് ആണ് സംവിധാനം ചെയ്യുന്നത്. തേനി ഈശ്വർ ആണ് ഛായാഗ്രഹണം. ‘പരിയേറും പെരുമാൾ’, ‘കർണൻ’ എന്നീ ചിത്രങ്ങൾക്കു ശേഷം മാരി സെൽവരാജ് സംവിധാനം ചെയ്യുന്ന ചിത്രം കൂടിയാണ് ‘മാമന്നൻ’.
