ഏറെ ദുരൂഹതകൾ നിറഞ്ഞ രംഗങ്ങൾ കോർത്തിണക്കി ‘പകലുംപാതിരാവും’ എന്ന ചിത്രത്തിന്റെ ആദ്യ ടീസർ പ്രകാശനം ഇന്ന് നടന്നു. അത്യാഗ്രഹവും ആർത്തിയുമാണ് സകല പ്രശ്നങ്ങൾക്കും കാരണം എന്ന ആ മുഖത്തോടെയെത്തുന്ന ടീസർ മലയാള സിനിമയിലെ ജനപ്രിയ താരങ്ങളായ സുരേഷ് ഗോപി, ടോവിനോ തോമസ്, ഉണ്ണി മുകുന്ദൻ എന്നിവരുടെ പേജിലൂ ടെയാണ് ടീസർ പ്രകാശനം നടത്തിയത് അജയ് വാസുദേവ് സംവിധാനം ചെയ്യുന്ന ഈ ചിത്രം ശ്രീഗോകുലം മൂവീസിന്റ ബാനറിൽ ഗോകുലം ഗോപാലൻ നിർമ്മിക്കുന്നു.
കുഞ്ചാക്കോ ബോബൻ നായകനാകുന്ന ഈ ചിത്രത്തിൽ നായിക റെജീഷാ വിജയനാണ്. പതിവിൽ നിന്നും തികച്ചും വ്യത്യസ്ഥമായ ഒരു കഥാപാത്രത്തെയാണ് കുഞ്ചാക്കോ ബോബൻ ഈ ചിത്രത്തിൽ അവതരിപ്പിക്കുന്നത്. കുഞ്ചാക്കോ ബോബനിൽ നിന്നും പ്രേഷകർ പ്രതീക്ഷിക്കാത്ത തികച്ചും വ്യത്യസ്ഥമായ ഒരു കഥാപാത്രത്തെയാണ് ഈ ചിത്രത്തിൽ കാണാൻ കഴിയുക. ഏറെ ദുരൂഹതകൾ നിറഞ്ഞു നിൽക്കുന്ന ഹൈറേഞ്ചിലെ ഒരു എസ്റ്റേറ്റ് ബംഗ്ലാവിൽ അരങ്ങേറുന്ന സംഭവങ്ങഈണ് അത്യന്തം സസ്പെൻസ് മുഹൂർത്തങ്ങളിലൂടെ ഈ ചിത്രത്തിൽ അവതരിപ്പിക്കുന്നത്.
എല്ലാ വിഭാഗം പ്രേക്ഷകർക്കും ഒരുപോലെ ആസ്വദിക്കാവുന്ന വിധത്തിലാണ് അജയ് വാസുദേവ് ഈ ചിത്രം അവതരിപ്പിക്കുന്നത്. കെ.യു മോഹൻ (തിങ്കളാഴ്ച്ച നിശ്ചയം ഫെയിം) ദിവ്യദർശൻ, ബിബിൻ ജോരജ്, ഗോകുലം ഗോപാലൻ, അമൽ നാസർ, വഞ്ചിയൂർ പ്രവീൺ, ദീപക് ധർമ്മടം എന്നിവരും പ്രധാന വേഷങ്ങളിലുണ്ട്. ഇവർക്കു പുറമേ ഏതാനും പുതുമുഖങ്ങളും അണിനിരക്കുന്നു. തിരക്കഥ – നിഷാദ് കോയ. സുജേഷ് ഹരിയുടെ വരികൾക്ക് പ്രശസ്ത ഫ്യൂഷൻ സംഗീതജ്ഞനായ സ്റ്റീഫൻ ദേവസ്സി ഈണം പകർന്നിരിക്കുന്നു. ‘വിക്രം’ തുടങ്ങി വൻചിത്രങ്ങളുടെ സംഗീത സംവിധായകൻ സാം സി. എസ് ആണ് ഈ ചിത്രത്തിന് പശ്ചാത്തലസംഗീതമൊരുക്കുന്നത്.
ഫൈസ് സിദ്ദിഖ് ഛായാഗ്രഹണം. എഡിറ്റിംഗ്‌ റിയാസ് ബദർ. കലാസംവിധാനം – ജോസഫ് നെല്ലിക്കൽ. ഫിനാൻസ് കൺട്രോളർ- ശ്രീജിത്ത് മണ്ണാർക്കാട്. പ്രൊഡക്ഷൻ കൺട്രോളർ- സുരേഷ് മിത്രക്കരി. കോ- പ്രൊഡ്യൂസേർസ് – ബൈജു ഗോപാലൻ – വി.സി പ്രവീൺ. എക്സിക്കുട്ടീവ് പ്രൊഡ്യൂസർ ” – കൃഷ്ണമൂർത്തി. മാർച്ച് മൂന്നിന് ഗോകുലം മൂവീസ് ഈ ചിത്രം പ്രദർശനത്തിനെത്തിക്കുന്നു.
– വാഴൂർ ജോസ്
