കരിങ്കുന്നം :കോസ്‌മോപൊളിറ്റൻ ലൈബ്രറിയും, സത്കർമ ഫൗണ്ടേഷനും ചേർന്നു സൗജന്യ ഭക്ഷ്യകിറ്റ് വിതരണം ചെയ്തു. എറണാകുളം ആസ്ഥാനമായി പ്രവർത്തിക്കുന്ന സത്കർമ ഫൗണ്ടഷന്റെ ചാരിറ്റി പ്രവർത്തനത്തിന്റെ ഭാഗമായാണ് കിറ്റ് വിതരണം ചെയ്തത്.തൊടുപുഴ താലൂക്ക് ലൈബ്രറി കൗൺസിൽ സെക്രട്ടറി പി കെ സുകുമാരൻ ഉത്ഘാടനം ചെയ്തു. ലൈബ്രറി പ്രസിഡന്റ്‌ സുനിൽ തോമസ് വെള്ളിയെപ്പള്ളിൽ അധ്യക്ഷനായിരുന്നു.
ലൈബ്രറിയിൽ ഒരു വർഷത്തേക്ക് നാലു പത്രം വരുത്തുന്നതിനുള്ള പതിനായിരം രൂപയുടെ ചെക്കും സത്കർമ ഫൌണ്ടേഷൻ കൈമാറി.ഫൌണ്ടേഷൻ ഡയറക്ടർ ബോർഡ്‌ അംഗം പി സി സജിയിൽ നിന്ന് സെക്രട്ടറി കെ ജി ദിനകറും, പ്രസിഡന്റ്‌ സുനിൽ തോമസും ചേർന്നു ചെക്ക് ഏറ്റുവാങ്ങി. ചടങ്ങിൽ ലൈബ്രറി കമ്മിറ്റി അംഗം റെജി പി തോമസ് സ്വാഗതം ആശംസിച്ചു. ലൈബ്രേറിയൻ പി ആർ രവി നന്ദി പ്രകാശിപ്പിച്ചു.
