KeralaNEWS

പാലക്കാട് ധോണിയിൽ വീണ്ടും പി ടി 7 ഇറങ്ങി; കൂട്ടിന് രണ്ട് ആനകളും

പാലക്കാട്: പാലക്കാട് ധോണിയിൽ വീണ്ടും പി ടി 7 ഇറങ്ങി. പി ടി 7 തുടർച്ചയായി ഇറങ്ങുന്നതിൻ്റെ ആശങ്കയിലാണ് നാട്ടുകാർ. പലരും തലനാരിഴയ്ക്കാണ് കാട്ടാനയിൽ നിന്ന് രക്ഷപ്പെടുന്നത്. രണ്ട് കാട്ടാനകൾക്കൊപ്പമാണ് പി ടി 7 എത്തിയത്. ഇന്നലെ രാത്രിയോടെയാണ് ആന എത്തിയത്. ഒരു കൊമ്പനും പിടിയാനയുമാണ് പി ടി സെവനൊപ്പമുള്ളത്. വനംവകുപ്പ് ഉദ്യോഗസ്ഥരും നാട്ടുകാരും ചേർന്ന് ആനകളെ കാട് കയറ്റാനുള്ള ശ്രമം നടത്തിയെങ്കിലും ഫലം കണ്ടില്ല. വലിയ ആശങ്കയിലാണ് ജനങ്ങൾ.

പലപ്പോഴും അതിരാവിലെ ജോലിക്ക് പോകുന്നവരാണ് ആനയുടെ മുന്നിൽപ്പെടാറുള്ളത്. അതുകൊണ്ടുതന്നെ വൈകീട്ട് ആറ് മണിയ്ക്ക് ശേഷം ഇവിടെയുള്ളവർ പുറത്തിറങ്ങാറില്ല. ഇവിടെ വച്ചാണ് രണ്ട് മാസങ്ങൾക്ക് മുമ്പ് പ്രഭാത നടത്തത്തിനിറങ്ങിയ ആളെ ആന ചവിട്ടിക്കൊന്നത്. അതിനുശേഷം ഒപ്പമുണ്ടായിരുന്നവർ പ്രഭാത നടത്തം തന്നെ വേണ്ടെന്ന് വച്ചിരിക്കുകയാണ്. അത്രമാത്രം ഭീതിയിലാണ് ജനങ്ങൾ.

+ posts

Leave a Reply

Your email address will not be published. Required fields are marked *

Back to top button
error: