സതീഷ് നായരുടെ മ്യുസിക് ആൽബം ‘എന്നോട് നാൻ’ തരംഗമായി, മികച്ച സംഗീത സംവിധായകനുള്ള മാക്ട അവാർഡും നേടി

മലയാള സിനിമാ സാങ്കേതിക വിദഗ്ദ്ധരുടെ സംഘടന മാക്ട (മലയാളം സിനി ടെക്നീഷ്യൻസ് അസോസിയേഷൻ) സംഘടിപ്പിച്ച മാക്ട ഇൻ്റർനാഷണൽ ഷോർട്ട് മൂവി ഫെസ്റ്റിവെലിൽ സംഗീത വിഭാഗത്തിൽ മികച്ച സംഗീത സംവിധായകനുള്ള പുരസ്കാരം മറുനാടൻ മലയാളിയായ സതീഷ് നായർക്ക് ലഭിച്ചു. സൈന്ധവി ആലപിച്ച് സതീഷ് നായർ സംഗീതം പകർന്ന ‘എന്നോട് നാൻ’ എന്ന തമിഴ് മ്യുസിക് ആൽബമാണ് സതീഷ് നായരെ അവർഡിന് അർഹനാക്കിയത്.

യു ട്യൂബിൽ ലക്ഷ കണക്കിന് കാഴ്ചക്കാരെ നേടിയ മ്യുസിക് ആൽബമായിരുന്നൂ ‘എന്നോട് നാൻ.’ നാളെ (ഡിസംബർ 22) മാക്ട ‘ഉത്സവം 2022’ എന്ന പേരിൽ നടത്തുന്ന ഐ. വി. ശശി ചലച്ചിത്രോത്സവത്തിൽ വെച്ച് അവാർഡ് വിതരണം ചെയ്യും. സുനൈനയെ കേന്ദ്ര കഥാപാത്രമാക്കി ഡോമിൻ ഡി സിൽവ സംവിധാനം ചെയ്യുന്ന പാൻ ഇന്ത്യാ ചിത്രമായ ‘റെജീന’ യിലൂടെ സിനിമാ സംഗീത സംവിധായകനായും അരങ്ങേറ്റം കുറിക്കയാണ് കോയമ്പത്തൂർ വാസിയായ സതീഷ് നായർ .

സി.കെ അജയ്കുമാർ പി.ആർ.ഒ